पूर्वगृहमन्त्री खाँणलाई ४ दिन हिरासतमा राख्न अदालतको आदेश
साझा परिवेश
बुधबार, बैशाख २७, २०८० १७:0१
काठमाडौं । जिल्ला अदालत काठमाडौंले पूर्वगृहमन्त्री बालकृष्ण खाणलाई चार दिन हिरासतमा राख्न आदेश दिएको छ । नक्कली भुटानी शरणार्थी प्रकरणमा अनुसन्धानका लागि पक्राउ परेका पूर्वगृहमन्त्री बालकृष्ण खाणलाई जिल्ला अदालत काठमाडौंले चार दिन हिरासतमा राख्न आदेश दिएको हो ।
बुधबार बिहान घरबाटै पक्राउ परेका खाँणलाई चार दिन हिरासतमा राख्न आदेश दिएको काठमाडौं जिल्ला अदालत बार एसोसिएसनको अध्यक्ष रामचन्द्र पौडेल आरसी विमलले सेभेन स्टार फोके टेलिभिजनलाई जनाकारी दिएका छन् ।
नक्कली भुटानी शरणार्थी प्रकरणमा मुछिएका उनलाई अनुसन्धानका लागि प्रहरीले बुधबार मैजुबहालस्थित निवासबाट पक्राउ गरेको हो । बुधबार नै उनका स्वकीय सचिव नरेन्द्र केसीसमेत पक्राउ परेका छन् ।
