मैले गर्नुपर्ने काम सर्वाेच्चले गर्यो अदालतलाई सम्मान गर्छु : प्रदेश सभामुख
साझा परिवेश
बिहिबार, साउन ११, २०८० १६:१२
अदालतले ‘करेक्सन’ गर्यो प्रदेशका सभामुखको काम
अदालतको फैसल्लालाई सम्मान गर्छु :सभामुख गौतम
विराटनगर ।।
कोशी प्रदेशका सभामुख बाबुराम गौतमले आफ्नो कदमलाई सर्वाेच्च अदालतले ‘करेक्सन’ गरिदिएको बताएका छन् । कांग्रेस संसदीय दलका नेता उद्धव थापालाई मुख्यमन्त्रीमा समर्थन गर्ने गौतमको कदमलाई बिहीबार सर्वाेच्च अदालतले अवैधानिक ठहर गरिदिएपछि गौतमले आफ्नो कदमलाई सर्वोच्चले सच्याइदिएको प्रतिक्रिया दिएका हुन् ।
‘म आफैं संविधानतः चल्नुपर्ने मान्छे, त्यो एउटा नयाँ परिवेशमा, परिस्थितिमा एउटा खालको निर्णय गरिएको थियो, सर्वाेच्चले त्यसलाई करेक्सन गर्यो ,’ उनले भने, ‘सर्वाेच्चको अन्तिम आदेशलाई मैले बेठीक रुपमा लिने कुरा आउदैन ।’ उनले सर्वाेच्च अदालतको फैसल्लालाई सम्मान गर्ने बताए ।
सभामुख गौतमले आफूले राजीनामा दिनेबारे नसोचेको बताए । उनले कसैले आफ्नो राजीनामा माग पनि नगरेको बताए । आदेशले नैतिक संकट पर्यो नि भन्ने प्रश्नमा उनले भने, ‘सर्वाेच्चले नयाँ विधिमा ढालेको छ, एउटा निर्णय दिएको छ, त्यो निर्णयलाई परिपालन गर्ने हो । त्यो (राजीनामा) हल्ला मात्रै हो ।’
