हातखुट्टा बाँधिएको अवस्थामा उखुबारीभित्र बालिका भेटिइन्
साझा परिवेश
शुक्रबार, अशोज ५, २०८० ११:४६
१ वर्षीया बालिका हातखुट्टा बाँधिएको अवस्थामा
नाबालिकाको प्रहरी र स्थानीयले उद्धार गरे
खेलौनासंगै भेटिइन् बालिका
कञ्चनपुर ।।
कञ्चनपुरको बेलौरीमा १ वर्षीया बालिका हातखुट्टा बाँधिएको अवस्थामा भेटिएकी छन्। बेलौरी नगरपालिका – ७ सिहपुरस्थित उखुबारीमा हातखुट्टा बाँधिएको अवस्थामा फेला परेकी नाबालिकाको प्रहरी र स्थानीयले उद्धार गरेका छन्। स्थानीयका अनुसार दुवै हात बाँधेको अवस्थामा बालिका भेटिएपछि प्रहरीलाई खबर गरिएको थियो।
सडक छेउकै उखुबारीमा भेटिएकी बालिकासँगै खेलौना थियो। उद्धार गरेर प्रहरीले अहिले उनलाई उपचारका लागि श्रीपुर प्राथमिक स्वास्थ्य चौकी लगेको छ। बच्चा कसले किन छाडेको भन्ने विषयमा अहिलेसम्म केही नखुलेको इलाका प्रहरी कार्यालय बेलौरीका प्रहरी निरीक्षक गौरी प्रसाद जैशीले बताए। उनका अनुसार बालिकाको अभिभावकको खोजी भइरहेको छ।
