विवेकशील साझा पार्टीको कोशी प्रदेश अध्यक्षमा सुदन श्रेष्ठ निर्वाचित
साझा परिवेश
मङ्लबार, अशोज १६, २०८० ११:३९
इटहरी, असोज १६ गते ।विवेकशील साझा पार्टीको कोशी प्रदेश अध्यक्षमा सुदन श्रेष्ठ निर्वाचित हुनुभएको छ ।
इटहरीमा सम्पन्न पार्टीको प्रदेश अधिवेशनले उपाध्यक्षमा हेमन्त भट्टराई, सचिवमा चिरञ्जीवी रेग्मी र कोषाध्यक्षमा अम्बिका चापागाईं सुवेदीलाई निर्वाचित गरेको प्रदेश निर्वाचन समितिका प्रमुख अजीत खड्काले जानकारी दिनुभयो ।
श्रेष्ठ नेतृत्वको समितिमा इन्द्रनारायण साह, टंक फुयल, कमल कार्की ढोली, सन्ध्या दाहाल, भुवन थापा, लमनोज विश्वकर्मा, रुपेश मास्के र काशीनाथ सिग्देल प्रदेश सदस्यमा चयन हुनुभएको हो ।
“पहिचानको सम्मान, सहिष्णुताको संवर्द्धन’’ मूल नाराका साथ सम्पन्न कोशी प्रदेश अधिवेशन अघि पार्टीको बागमती अधिवेशन सम्पन्न भएको थियो ।
गत माघमा विवेकशील साझा पार्टीको सङ्घीय अधिवेशन सम्पन्न भएसँगै पार्टीले प्रादेशिक अधिवेशनलाई अघि बढाइरहेको छ ।
