कारागारमा क्षमताभन्दा बढी कैदीबन्दी राखिएको प्रति सांसद गौतमको आपत्ति

राष्ट्रिय स्वतन्त्र पार्टीकी सांसद सोविता गौतमले नेपालका प्रायः कारागारमा क्षमताभन्दा बढी कैदिबन्दी राखिएको प्रति आपत्ति जनाएकी छन् ।
उनले कारागारमा क्षमताभन्दा बढी कैदीबन्दी राखिएको र उनीहरूको न्यूनतम मानवअधिकार पनि हनन् भएको भन्दै संसद्‌मा प्रश्न उठाएकी हुन ।

मंगलबारको प्रतिनिधिसभा बैठकको विशेष समयमा बोल्दै गौतमले यहीँ अवस्थाको कारागार सुधार गृहमा परिणत नहुने धारणा राखिन् । “कारागार अनुगमनमा जाँदा क्षमताभन्दा बढी कैदीबन्दीलाई राखेको भेटियो । कैदीबन्दीमा पनि उत्पादनशिल हुन पाएनौँ भन्ने गुनासो थियो,” उनले भनिन् ।

सांसद गौतमले कारागारबाट सुध्रिएर नभई आपराधिक मानसिकता हाबी भएर निस्कने खतरा बढेको जानकारी गराइन् । “सुधार गर्न भनेर लगिएकाहरू सुधार भएर आउने अवस्था छैन । राज्यको उद्देश्य पूर्ति होला जस्तो छैन । उनीहरू डिप्रेसन भएर आउने देखिन्छ बाहिर निस्किएपछि आपराधिक घटना घटाउँछन् भन्ने देखिन्छ,” उनले भनिन् ।

बैठकमा बोल्दै उनले सुधार गृह प्रभावकारी नभएको भन्दै थपिन्, “७०० ग्राम चामल र ८० रुपैयाँ हरेक दिन दिने गरेको छ । कैदीहरू पनि उत्पादनशिल भएनन् । उहाँहरूले पोषणयुक्त खान पाउनुभएको छैन । यहाँ कुरा मिलेन ।”

• संसद विघटन