डोटीमा ६ दशमलव ६ म्याग्निच्यूडको भूकम्पको धक्का : ६ जनाको मृत्यु, ५ घाइते

काठमाडौँ ।

खप्तड राष्ट्रिय निकुञ्ज नै केन्द्रबिन्दु बनाएर ६ दशमलव ६ म्याग्निच्यूडको भूकम्प जाँदा ६ जनाको मृत्यु भएको छ भने ५ घाइते भएका छन् ।

मंगलबार मध्यराति गएको भूकम्पबाट डोटीमा ज्यान गुमाउनेको संख्या ६ पुगेको जिल्ला प्रहरी कार्यालय डोटीका निमित्त प्रमुख प्रहरी नायब डीएसपी० भोलाप्रसाद भट्टले जानकारी दिए । मृत्यु हुनेमा पूर्वी चौकी गाउँपालिका–३ को ठाडा गाउँको एक घर भत्किँदा ज्यान गुमाउृनेमा ठाडा गाउँकी ३८ वर्षीया

भगवती बोहरा, उनकी १३ वर्षीया छोरी सीता बोहरा र ७ वर्षीय छोरा हर्क बोहरा, ४५ वर्षीय प्रेम बोहरा, उनकी १२ वर्षीया छोरी तुलसी बोहरा र राति बोहराकै घरमा सुतेकी स्थानीय महाविर बोहराकी १७ वर्षीया छोरी धनसरीको मृत्यु भएको हो । उनीहरुको घर पुरिएर र च्यापिएर मृत्यु भएको अवस्थामा प्रहरीले शव बाहिर निकालेको छ ।

भूकम्पले सोही वडाका पाँच जना घाइते भएका छन् । घाइते हुनेमा ४५ वर्षीय महाविर बोहरा, ४० वर्षीय इन्नरी बोहरा, ४५ वर्षीया बिस्नादेवी बोहरा, ४६वर्षीय चनादेवी बोहरा र ११ वर्षीया धौली बोहरा छन् ।उनीहरुको स्थानीय स्वास्थ्य चौकीमा उपचार भइरहेको छ ।

भूकम्प मध्यरातको २ बजेर १२ मिनेटमा खप्तड राष्ट्रिय निकुञ्ज नै केन्द्रबिन्दु बनाएर ६ दशमलव ६ म्याग्निच्यूडको भूकम्प गएको थियो । अहिले घटनास्थलमा सेनाको टोली पुगीसकेको बताइउको छ ।

• संसद विघटन