ताप्लेजुङ । प्रतिनिधी सभामा १ र प्रदेश सभामा २ वटा निर्वाचन क्षेत्र रहेको ताप्लेजुङमा फिल्मी स्टायलमा योगेश भट्टराईको जीत भएको छ । ने.क.पा. एमालेको सचिव योगेश भट्टराईको निर्वाचन क्षेत्र भएकोले प्रतिनिधी सभाको मतगणनामा आम चासोको विषय रहेको थियो । ६१ वडा रहेको यस क्षेत्रमा नेकपा एमालेको तर्फबाट पार्टी सचिव योगेश भट्टराईको विरुद्धमा सत्ता गठबन्धनको साझा उम्मेद्वार नेकपा माओवादी केन्द्रका नेता खेल प्रसाद बुढाक्षेत्री परागको कडा प्रतिश्पर्धा रहेको थियो । ६१ मध्ये ५५ स्थानको मतगणनाको नतिजा सार्वजनिक गरुनजेल सम्म गठबन्धनका उम्मेद्वारले १०१० सम्मको मतान्तरले अग्रता कायम गरिरहेको थियो भने अन्तिम अवस्थामा सूर्य चिन्हका भट्टराईकले फिल्मका हिरोको रोल अन्तिममा हुन्छ भने जसरी जीत हात पार्न सफल भएको छ । भट्टराईले २१९४३ मत प्राप्त गरेर विजयी हुनुभएको थियो भने वहाँको निकटतम प्रतिद्वन्दी नेकपा माओवादी केन्द्रका बुढाक्षेत्रीले २१७५३ मत प्राप्त गरी उपविजेता बन्नुभएको छ । मतान्तर २०८ रहेको छ ।
