March 29, 2024 | शुक्रबार, चैत्र १६, २०८०
सुचनाहरु
मिटरव्याज पिडीतमा विपन्न महिलाको ऋण मिनाह गर्ने मन्त्री चौधरीको भनाई पधेरीमा नुहाउन जादा हत्या भएकी युवतीको हत्या आरोपीत सार्वजनिक निर्माण व्यवसायीले सम्झौताअनुरूप गुणस्तरको काम नगरेको प्रधानमन्त्रीको भनाई बागमतीका मुख्यमन्त्री जम्कट्टेलले चैत १९ मा विश्वासको मत लिने कपनबाट चक्कु र पेस्तोलसहित एक जना पक्राउ पशुपति क्षेत्रमा सवारी साधन चलाउन र शव गाड्न निशेद गर्न सर्वाेच्चको आदेश उपचुनाव लड्न रास्वपा छिरेका मिलन लिम्बू प्रेस सेन्टरबाट बर्खास्त नेपाल एले टस जितेर फिल्डिङ गर्दै फेरी राप्रपासँग एकताको गल्ती नगर्ने कमल थापाको भनाई एसइइ चलिरहेको समयमा पटकपटक अनुगमनमा नजान राष्ट्रिय परिक्षा बोर्डको निर्देशन कांग्रेसको सहकारी विभागमा १० जना मनोनयन घोषणा भएका पुरस्कार खेलाडीले छिट्टै पाउँछन् : खेलकुदमन्त्री श्रेष्ठ दक्षिण अफ्रिकामा बस दुर्घटना हुँदा ४५ जनाको मृत्यु दोहा उडेको जहाज प्राविधिक समस्यापछि काठमाडौं फर्काइयो गाजामा अवरोधविना राहत र चिकित्सा सामग्री लैजान दिन इजरायललाई आईसीजेको आदेश आईपीयूमा भाग लिएर सभामुख नेतृत्वको टोली स्वदेश फिर्ता निजी विद्यालयलाई नाम नेपालीकरण गर्न महानगरपालिकाको अल्टिमेटम भक्तपुरको सानोठिमीमा मोटरसाइकलको ठक्करबाट पैदलयात्रीको मृत्यु ओली प्रतिष्ठानले डा. रुइतलाई ५ लाख नगदसहित सम्मान गर्ने ६ अर्ब बक्यौता तत्काल तिर्न स्थानीय तहलाई प्राधिकरणको ध्यानाकर्षण

जाडोले जनजीवन प्रभावित परिवारलाई न्यानो कम्बल पाएपछि….

  • साझा परिवेश
  • शनिबार, पुस ३०, २०७९ 0९:२१
जाडोले जनजीवन प्रभावित परिवारलाई न्यानो कम्बल पाएपछि….

गंगाराम मण्डल इनरुवा,

सुनसरीको सदरमुकाम इनरुवा नगरपालिका ९ बबियाको मुसहरीका विपन्न र एकल महिला तथा जेष्ठनागरिकलाई कम्बल वितरण गरेको छ । सितलहर र जाडोबाट अति प्रभावित अतिविपन्न २७ मुसहर परिवारलाई कम्बल प्रदान गरिएको हो । सुनसरीका प्रमुख जिल्ला अधिकारी इन्द्रदेव यादवले अतिविपन्न मुसहर परिवारलाई कम्बल प्रदान गर्नुभएको हो । शुक्रबार इनरुवा नगरपालिका ९ बबियाको प्रभावित मुसहरीका विपन्न र एकल महिला तथा जेष्ठनागरिकलाई घरघरमै पुगेर कम्बल वितरण गर्नुभएको छ । प्रजिअ यादवले २७ जना विपन्न परिवारलाई ३० वटा कम्बल प्रदान गर्नुभएको जिल्ला विपत व्यवस्थापन समितिले जनाएको छ ।
शीतलहरले जनजीवन प्रभावित भएपछि अति कष्टकर जीवन बाँचिरहेका र केहीले बोरा ओडेर समेत रात कटाईरहेको सूचना आएको अधारमा इनरुवा नगरपालिका–९ का अतिविपन्न २७ जनालाई एक÷दुई वटा कम्बल प्रदान गरिएको जानकारी प्रकाशान कार्याले दिएको छ ।


समितिको स्रोतबाट कम्बल प्रदान गरिएको जनाएको छ । कम्बल वितरण कार्यक्रममा प्रजिअ यादव सहित जिल्ला प्रहरी कार्यालय सुनसरीका प्रहरी उपरीक्षक प्रभु प्रसाद ढकाल, सशस्त्र प्रहरी उपरीक्षक विक्रम हुमागाई, गैरसरकारी संस्था महासंघका सुनसरी अध्यक्ष मेघराज न्यौपाने, प्रशासकीय अधिकृत तथा सर्वसाधारणको सहभागिता थियो । अति आवश्यक देखिए अन्य ठाउँका विपन्नलाई पनि सहयोग गर्न प्रशासन तयार रहेको प्रमुख जिल्ला अधिकारी यादवले बताउनुभयो ।
विगत दुई हप्तादेखि अत्यधिक मात्रामा जाडो बढेको र दिनभर घाम नलाग्दा घरबाट बाहिर निस्कन पनि अप्ठ्यारो भएपछि एकसत्तायता संस्थागत तथा सामुदायिक विद्यालयमा समेत जाडो बिदा दिएको छ ।


बोरा ओडेर रात बिताउनेले कम्बल पाएपछि भए खुसी
इनरुवा नगरपालिका ९ बबियाको मुसहरी सतैर बबिया टोलकी ८० वषिर्या बोदोदेवी ऋषिदेव जाडोबाट जोगिनका लागि ओढ्ने ओच्छउाने नभएपछि महिनौदेखी कपासको बोरा ओडेर रात बिताउदै आउनुभएको थियो । सोही विषयमा जानकारी पाएर सुनसरीका प्रमुख जिल्ला अधिकारी इन्द्रदेव यादवले शुक्रबार ओढ्ने र ओच्छाउने दुई थान कम्बल प्रदान गर्नुभएपछि ऋषिदेवको अनुहारमा सुखि देखियो । सुकुम्बासी त्यसमाथि जेष्ठ नागरिक र आर्थिक विपन्नताले न्यानो कपडा किन्ने पैसा नभएपछि बोरा ओडेर रात कटाउने र दिनमा घुर बालेर बस्ने गरेकोमा कम्बल पाएपछि ऋषिदेवको खुसीको सिमा नै रहेन । उहाँले मुसहर परिवारलाई पनि सरकारले कम्बल प्रदान गर्ने भन्ने सोच्नुपनि भएको थिएन तर घरमै दुई थान कम्बल लिएर सरकारी अधिकारी पुगेपछि राहतको महसुस भएको बताउनुभयो ।
बोरा ओडेर रात विताउने ऋषिदेव सहित मुसहरीका विपन्नलाई कम्बल वितरण कार्यक्रममा गैरसरकारी संस्था महासंघका सदस्य सरिता कार्की घिमिरे, पत्रकार जयकृष्ण यादव र गणेश यादव लगायतको सहभागिता थियो ।

  • साझा परिवेश
  • शनिबार, पुस ३०, २०७९ 0९:२१

प्रतिक्रिया

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

नेपाल अपडेट