February 23, 2024 | शुक्रबार, फाल्गुन ११, २०८०
सुचनाहरु
गाँजा र कोदोको रक्सी खुला गर्ने नीति बनाउन सांसद चन्द्र भण्डारीको माग गैरहाजिर भएका १८ जना प्रहरीलाई ७ दिनभित्र उपस्थित हुन निर्देशन सुनको मूल्य घट्यो सात महिनामा ८ अर्बको चिया र कफी निर्यात बैंकको ब्याज एकल अंकमा झार्नुपर्छ : राजेन्द्र लिङ्देन नामिबियासँग नेपाल दुई विकेटले हार्‍यो सीतापाइलामा आमा र दुई छाेरीकाे हत्या, श्रीमान् पनि झुन्डिएकाे अवस्थामा मृत भेटिए लघुवित्त र सहकारी पीडितका प्रतिनिधिसँग प्रधानमन्त्रीले- सरकारले पहल गरिरहेकाे छ, समस्या चाँडै समाधान हुन्छ ‘दयारानी’ हिट भएको सार्वजनिक गर्दै दयाहाङले भने, ‘हामी सम्पूर्णप्रति आभार व्यक्त गर्दछौ’ सात महिनामा आयो २८ अर्बको खाद्यान्न सात दिनभित्र ललिता निवास क्षेत्र खाली गर्न काठमाडौँ महानगरको आग्रह परराष्ट्रमन्त्री साउद भारत भ्रमणमा जाँदै सुनको आयातमा ५९.३ प्रतिशतले कमी नजिकिँदै प्रचण्ड-ओली ? सूर्यदर्शन सहकारी ठगी : रवि लामिछानेमाथि अनुसन्धान अघि बढाइयो क्यानडामाथि नेपाल ‘ए’ को रोमाञ्चक जित राप्रपाका प्रदेश सांसदसहित १९ जनाविरुद्ध भ्रष्टाचार मुद्दा दायर राष्ट्र बैंकले भन्याे– ‘सर्वसाधारणको निक्षेप सुरक्षित छ, हल्लाको पछि नलागी ढुक्क भएर कारोबार गर्नुस्’ धनकुटामा पानीको मुहान संरक्षण गर्न रिचार्ज पोखरी आन्दोलनका लागि हिँडेरै काठमाडौँ आइपुगे देशभरका मिटरब्याजी पीडित

दुर्गा प्रसाईँको महाअभियानका लागि आत्मदाह प्रयास गरेको चौधरीको बयान

  • साझा परिवेश
  • शनिबार, फाल्गुन १३, २०७९ 0९:00
दुर्गा प्रसाईँको महाअभियानका लागि आत्मदाह प्रयास गरेको चौधरीको बयान

बिर्तामोडको मुक्ति चौकमा गत मङ्गलवार आत्मदाहको प्रयास गरेका बिर्तामोड- ७ का ३४ वर्षीय विजय चौधरीले आफूले दुर्गा प्रसाईँका लागि आत्मदाह गरेको बयान दिएका छन् ।

प्रहरीले बयान लिने क्रममा उनले बीएण्डसीका सञ्चालक दुर्गा प्रसाईँले सञ्चालन गरेको ‘नागरिक बचाउ महाअभियान’का लागि समेत आफूले आफ्नो शरीरमा आगो लगाएको कुरा बताएको इलाका प्रहरी कार्यालय बिर्तामोडका डीएसपी सुरज कार्कीले जानकारी दिए ।

डीएसपी कार्कीका अनुसार चौधरीले पारिवारिक समस्या, बैङ्कको ब्याजलगायतका समस्यासँगै प्रसाईँको अभियानलाई समर्थन जनाउनसमेत आत्मदाह प्रयास गरेको बयान दिएका छन् । कसैको उक्साहटमा नलागेर आफ्नै इच्छाले त्यस्तो प्रयास गरेको चौधरीको भनाई छ । ‘प्रहरीले प्रारम्भिक बयान मात्र लिएको छ ’ डीएसपी कार्कीले भने,‘ निको भइसकेपछि हामी पूर्ण रुपमा बयान लिन्छौँ ।’

बीएण्डसी हस्पिटलमा उपचाररत चौधरीको अवस्था सामान्य बन्दै गएको छ । अब केही दिनमा उनलाई डिस्चार्ज दिने बताइएको छ । चौधरी बीएण्डसी हस्पिटलमा चालकको काम गर्थे । चौधरी बीएण्डसी अस्पतालका सञ्चालक प्रसाईँका ठुलो फ्यान हुन् । उनले आफ्नो पाखुरामा प्रसाईँको ट्याटु नै बनाएका छन् । बीएण्डसीमा काम गरेका चौधरी सामान्य परिवारका हुन् । उनको परिवारका तीन जना सदस्य चालक हुन् । गत वर्ष निधन भएका उनका बुवा हरिराम चौधरी जिल्ला शिक्षा कार्यालयको गाडी चलाउँथे ।

त्यस्तै विजयका जेठा दाजु जय पनि निर्वाचन कार्यालयको गाडी चलाउँथे । गत वर्ष दुर्घटनामा परेपछि एक वर्षदेखि जय थला परेर घरमा छन् । विजयका दुईजना श्रीमती रहेको छिमेकीले बताएका छन् । जेठी श्रीमती र छोरी बीएण्डसीमा काम गर्छन् भने कान्छी श्रीमती र उनका दुई छोराछोरी घरमा बस्छन् ।

  • साझा परिवेश
  • शनिबार, फाल्गुन १३, २०७९ 0९:00

प्रतिक्रिया

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

नेपाल अपडेट