ताप्लेजुङ । ताप्लेजुङको फुरुम्वुमा करेन्ट लागेर एक बालक घाईते भएका छन् ।
सोमबार फुङलिङ नगरपालिका वडा नं– १० का तान्छोहाङ लिम्वु घर नजिकै खेल्ने क्रममा विद्युत पोलमा छुँदा करेन्ट लागेर गम्भिर घाइते भएको हो ।
गम्भिर घाइते भएका लिम्व फुङलिङ नगरपालिका वडा नं– १० निवासी दिपेन्द्र लिम्वुका छोरा हुन् । जिल्ला प्रहरी कार्यालय ताप्लेजुङका अनुसार करेन्ट लाग्ना साथ बालकलाई जिल्ला अस्पताल ल्याइएको थियो ।
दुवै हात, देव्रे खुट्टाको घुँडा, छाती र अनुहारमा चोट लागेका घाइते बालकको झापाको वि एण्ड सी अस्पतालमा थप उपचार भई रहेको फुरुम्वु स्थित मयम मा. वि. का प्र.अ. नविन कार्कीले जानकारी दिनुभयो । प्र.अ. कार्कीले विद्युत प्रशारण लाइनमा विद्युत प्राधिकरणको चरम लापरवाही रहेको कारणले एस्ता दुर्घटना निाम्तीएको उनको भनाई छ ।
विद्युत प्रशारण लाइनमा लापरवाही भएकोमा यस अघि साझा परिवेशमा समाचार प्रशारण गरे पछि प्राधिकरणले सुधारका प्रयास गरेका भएतापनि सन्तोसजनक काम हुन नसकेको स्थानीय बताउँछन् ।
