ग्यास सिलिन्डर बोकेको ट्रक पल्टियो, तीनजनाको मृत्यु
साझा परिवेश
बुधबार, चैत्र ८, २०७९ ११:३७
काठमाडौं । दैलेखमा ग्यास सिलिन्डर बोकेको ट्रक दुर्घटना हुँदा तीनजनाको मृत्यु भएको छ ।
गुराँस गाउँपालिका–४, तालपोखरीमा सिलिन्डर बोकेको भे१ख २२०१ नम्बरको ट्रक दुर्घटना भएको हो ।
बुधबार बिहान करिब ८ बजेर ४० मिनेटमा गुराँस गाउँपालिका–४, तालपोखरीमा सिलिन्डर बोकेको ट्रक दुर्घटना भएको डीएसपी लम्सालले जानकारी दिनुभयो ।
ट्रक चालक बाँकेका ३० वर्षीय कृष्ण चौधरी र कामदारहरू लक्ष्यीराम चौधरी र विष्णु चौधरीको मृत्यु भएको छ , मृतकहरूको ठेगाना खुल्न बाँकी रहेको जिल्ला प्रहरी कार्यालय दैलेखका डीएसपी किशोर लम्सालले जानकारी दिनुभयो ।
ट्रकमा सवार चार जना मध्ये तीनजनाको घटनास्थलमै मृत्यु भएको डीएसपी लम्सालले जानकारी दिनुभयो । ट्रक सडकदेखि अन्दाजी करिक १५० मिटर तल अर्को सडकमा खसेको डीएसपी लम्सालले जानकारी दिनुभयो ।डीएसपी लम्सालका अनुसार ट्रकमा चारजना सवार थियो ।
सडकमा ‘साइड’ लगाएर ओट लगाउने क्रममा ट्रक पल्टिएको उनले जानकारी दिनुभय । दुर्घटनामा चालकसहित तीनजनाको मृत्यु भएको र सहचालक सकुशल रहेको वहाँले जानकारी दिनुभयो ।
