April 4, 2025 | शुक्रबार, चैत्र २२, २०८१
सुचनाहरु
झापामा भेटियो दुर्गा प्रसाईं चढेको गाडी, कहाँ छन् दुर्गा प्रसाईं?  यीनै हुन् ४ वर्षीया बालिका अपहरण गरी लैजाने व्यक्ति वायु प्रदुषणले बिगार्दैछ आँखा, यसरी बचाउनुहोस् आँखालाई मोरङमा कुकुरको टोकाइबाट ६० एक वृद्धको गयो ज्यान  कुलमानको रिटमा सर्वोच्चले दिएन अन्तरिम आदेश  काठमाडौ महानगरका कर्मचारीले प्रमुख प्रशासकीय अधिकृत सरोज गुरागाईँलाई कार्यकक्षमा पुर्याएरै छाडे  नाच्दै गाउँदै शिक्षकहरुले गरे बेग्लै बिरोध प्रर्दशन सगरमाथा आधार शिविरमा काम गर्ने श्रमिकको गयो ज्यान   प्रधानमन्त्री ओलीले र भारतीय समकक्षी मोदीलाई थाइल्याण्डमा भेट्दै खानेतेलको मूल्य प्रतिलिटर १५ देखि ४० रुपैयाँसम्म बढ्यो   २५ करोडका मालिकको पहिचान   जडिबुटिमा राजावादी प्रदर्शनकारीको आगजनीले २८ करोडभन्दा बढीको क्षति शिक्षकहरु फेरी उत्रिए राजधानी केन्द्रित आन्दोलनमा तिनकुने प्रदर्शनमा ज्यान गुमाउने सुरेश र सबिनको परीवारलाई  सरकारले १०–१० लाख दिने शिक्षक महासङ्घले आजदेखि काठमाडौं केन्द्रित सडक आन्दोलन गर्दै असार ७ गतेभित्र एसइईको परीक्षाफल आइसक्ने गुजरातको पटाका गोदाममा ठूलो विस्फोट हुदा १७ जनाको गयो ज्यान तीनकुने घटनामा संलग्न २४ जना पनि पक्राउ राजावादिको प्रदर्शनमा ज्यान गुमाएका सबिनको गरियो पोस्टमार्टम  भाटभटेनी लुट्न आउने प्रदर्शनकारीलाई प्रतिकार गर्ने सुरक्षागार्ड तथा अन्य कर्मचारीलाई सम्मान गरीदै

तिलजला क्षेत्रमा सात वर्षीय बालिकाको शव बोरामा फेला

  • साझा परिवेश
  • सोमवार, चैत्र १३, २०७९ ११:२९
तिलजला क्षेत्रमा सात वर्षीय बालिकाको शव बोरामा फेला

एजेन्सी । भारतको कोलकातास्थित तिलजला क्षेत्रमा सात वर्षीय बालिकाको शव बोरामा फेला परेको छ । शव फेला परेपछि उक्त क्षेत्रमा तनावको स्थिति छ ।

ती बालिका आइतबार बिहानदेखि बेपत्ता भएकी थिइन् ।

प्रारम्भिक अनुसन्धानका आधारमा बालिकाको बलात्कारपछि हत्या भएको प्रहरीको अनुमान छ । बालिकाको टाउकोमा पेचकसजस्ता कुनै तिखो चिजले चोट लागेको निशान छ ।

प्रहरीले यस मामिलामा आलोक कुमार नामका एक व्यक्तिलाई पक्राउ गरेको छ । यी व्यक्ति बिहारको समस्तीपुरका बासिन्दा हुन् ।

तिलजला प्रहरी चौकीका एक प्रहरी अधिकृतले नाम न छाप्ने सर्तमा भने, ‘आरोपीले हत्या गरेको स्वीकार गरेका छन् ।’

घटनामा प्रहरीले कारबाही नगरेको भन्दै स्थानीयले तिलजला प्रहरी चौकीलाई रातभर घेराबन्दी गरी ढुंगामुढा गरेका छन् । केहीले प्रहरी चौकीको गेट तोडेर भित्र पस्ने प्रयाससमेत गरेका थिए । पछि प्रहरीले लाठी चार्ज गरी भीडलाई तितरबितर पारेको थियो ।

बालिकाका बुबाले भने, ‘बिहान सात बजे छोरीलाई फोहोर फाल्न भनेको थिएँ । त्यसपछि उनी एक भवनभित्र छिरेकी पनि थिइन् । त्यति बेलादेखि उनको कतै पत्ता लागेन ।’

kolkata

बालिकाको खोजी

बालिका बेपत्ता भएपछि मानिसहरूले उनको खोजी गर्न थाले । बिहान नौ बजे प्रहरी चौकीमा हराएको उजुरी लेख्दा प्रहरीले निकै उदासीनता देखाएको स्थानीयको आरोप छ ।

उक्त भवनमा रहेको फ्ल्याटको ढोका पहिले बन्द भएको मानिसहरूले बताएका छन् । तर साँझ ढोका खुलेको देखेर मानिसहरू भित्र पसे । त्यहाँ राति ९ बजे बोरामा राखिएको शव भेटिएको हो ।

फ्ल्याटमा बस्ने ३२ वर्षीय आलोक कुमार पक्राउ परेका छन् । स्थानीयले उनलाई आफूहरूलाई बुझाउन प्रहरीसँग माग गरेका थिए । तर प्रहरीले उनलाई भीडबाट बचाएर प्रहरी चौकीमा ल्याएको छ । घटनाको अनुसन्धान थालिएको छ र शव पोस्टमार्टमका लागि पठाइएको छ ।

प्रहरीले पहिले नै सक्रियता देखाएको भए बालिकालाई बचाउन सकिन्थ्यो कि भन्ने स्थानीयको गुनासो छ । गए राति प्रहरी चौकी अगाडि भएको झडपपछि उक्त क्षेत्रमा तनाव छ । प्रहरीको गस्ती बढाइएको छ ।

  • साझा परिवेश
  • सोमवार, चैत्र १३, २०७९ ११:२९

प्रतिक्रिया

तपाइको प्रतिक्रिया दिनुहोस्

नेपाल अपडेट