March 29, 2024 | शुक्रबार, चैत्र १६, २०८०
सुचनाहरु
चौरासीको चुनावमा माओवादी सबैभन्दा ठूलो दल बन्छ : प्रधानमन्त्री प्रचण्ड सहकारीको समस्या प्रति कठोर कदम चाल्नुपर्ने मन्त्री अधिकारीको भनाई राज्यका सबै निकायमा हप्तामा दुई दिन स्वदेशी पोशाक लगाउने व्यवस्था गछौँ : मन्त्री भण्डारी अब सेवाको टोकन जारी भएकै लिन श्रम स्वीकृति दिइने , तिन सिफ्टमा सेवा सुचारु मिटरव्याज पिडीतमा विपन्न महिलाको ऋण मिनाह गर्ने मन्त्री चौधरीको भनाई पधेरीमा नुहाउन जादा हत्या भएकी युवतीको हत्या आरोपीत सार्वजनिक निर्माण व्यवसायीले सम्झौताअनुरूप गुणस्तरको काम नगरेको प्रधानमन्त्रीको भनाई बागमतीका मुख्यमन्त्री जम्कट्टेलले चैत १९ मा विश्वासको मत लिने कपनबाट चक्कु र पेस्तोलसहित एक जना पक्राउ पशुपति क्षेत्रमा सवारी साधन चलाउन र शव गाड्न निशेद गर्न सर्वाेच्चको आदेश उपचुनाव लड्न रास्वपा छिरेका मिलन लिम्बू प्रेस सेन्टरबाट बर्खास्त नेपाल एले टस जितेर फिल्डिङ गर्दै फेरी राप्रपासँग एकताको गल्ती नगर्ने कमल थापाको भनाई एसइइ चलिरहेको समयमा पटकपटक अनुगमनमा नजान राष्ट्रिय परिक्षा बोर्डको निर्देशन कांग्रेसको सहकारी विभागमा १० जना मनोनयन घोषणा भएका पुरस्कार खेलाडीले छिट्टै पाउँछन् : खेलकुदमन्त्री श्रेष्ठ दक्षिण अफ्रिकामा बस दुर्घटना हुँदा ४५ जनाको मृत्यु दोहा उडेको जहाज प्राविधिक समस्यापछि काठमाडौं फर्काइयो गाजामा अवरोधविना राहत र चिकित्सा सामग्री लैजान दिन इजरायललाई आईसीजेको आदेश आईपीयूमा भाग लिएर सभामुख नेतृत्वको टोली स्वदेश फिर्ता

पोखरामा दिनदहाडै चोरी हुन्छन् मोटरसाइकल

  • साझा परिवेश
  • सोमवार, चैत्र १३, २०७९ १६:४३
पोखरामा दिनदहाडै चोरी हुन्छन् मोटरसाइकल

पोखरा । टाउकोमा हेल्मेट लगाएर एक जना युवक अघिअघि छन् । उनीहरुसँग आफ्नो सवारी साधन हुँदैन । उनीहरुको पछिपछि अरु २ जना युवक हुन्छन्, उनीहरुको हातमा हतियार पनि हुन्छ ।

अघिअघि हिँडिरहेका युवक बाटोमा रोकिराखेको ग १२ प ८६५७ नम्बरको मोटरसाइकल एकैछिनमा आफैं स्टार्ट गरेर हुइँक्याउँदै लैजान्छन् । फागुन ३० गते पोखराको बुलौंदीमा मोटरसाइकल चोरी गर्दै गर्दाको सीसीटिभी फुटेजमा कैद भएको दृश्य हो यो ।

त्यही दिन नै राति पोखरा सिद्धार्थचोकबाट ग १८ प ८६१७ नम्बरको मोटरसाइकल चोरी भयो । खोज्दै जाँदा चोरी भएको मोटरसाइकल फेला पर्‍यो । तर, चोरी गर्ने व्यक्ति फेला पार्न सकेन ।

चैतको पहिलो हप्ता नै गण्डकी मेडिकल कलेज अगाडिबाट एउटा स्कुटर चोरी भयो । सीसीटीभी फुटेजमा चोरी भइरहेको कैद भए पनि अहिलेसम्म कसले लग्यो थाहा पत्तो हुन सकेको छैन ।

चैत ११ गते राति पोखरा नयाँबजारमा रहेको वाइफाइभ रेस्टुरेन्टबाट स्कुटर चोरी भयो । सीसीटिभी फुटेजमा कैद भएको दृश्यअनुसार एक जना युवक आउँछन् र एकैछिनमा सजिलैसँग स्कुटर स्टार्ट गरेर हुइँक्याउँछन् ।

‘सीसीक्यामेरा देखेपछि मास्क लगाउँछन् र छेउमा अर्को व्यक्तिको हेल्मेट लगाएर आफ्नै जसरी सजिलैसँग लैजान्छ’, अभिमन्यु पाण्डे भन्छन्, ‘पछि स्कुटर विशाल बजार छेउमा भेटियो । चोरी गर्ने भेटिएन ।’

पोखरा विन्ध्यवासिनीका गणेश खनालले २२० सीसीको मोटरसाइकल हराएको १३ औं दिनसम्म फेला पारेका छैनन् । प्रहरीमा उजुरी गरे पनि करिब २ हप्ता बित्न लाग्दासमेत उनले कुनै जानकारी पाउन सकेका छैनन् ।

यी त केवल दुई पांग्रे सवारी साधन चोरीका प्रतिनिधि घटनामात्रै हुन् । पछिल्लो केही समययता पोखरामा दिनदहाडै दुई पांग्रे सवारी साधनको चोरी एकाएक बढेर गएको छ । कहिले एक्लै त कहिले २, ३ जनाको समूहमा आउने र आफैं मोटरसाइकल, स्कुटर सजिलैसँग स्टार्ट गर्दै चोरी भइरहेको पीडितहरुले बताएका छन् ।

‘चाबी मैसँग थियो । तर, आफ्नै मोटरसाइकल भए जसरी ३, ४ मिनेटको बीचमै आफैं स्टार्ट गरेर लैजान्छन्’, गणेशले भने, ‘अर्को दिन नै प्रहरीमा खबर गरे पनि भेटिएको छैन । खोज्दैछौं भन्नुहुन्छ ।’

सीसीटीभी क्यामेरामा कैद भएको फुटेजअनुसार दुई पांग्रे सवारी साधन चोरी गर्ने गिरोह पेशेवर नै भएको पुष्टि हुने उनीहरुको दाबी छ । ‘उनीहरुसँग सायद कुनै मास्टरकी हुन्छ होला । कति सजिलैसँग स्टार्ट गरेर लगेको भिडियोमा देखिन्छ । यस्तो घटना बढ्दै गयो भने त चाबी लगाएर राख्दा पनि बाइक, स्कुटरहरु सुरक्षित हुने देखिएनन्,’ अभिमन्यू पाण्डेले भने ।

जिल्ला प्रहरी कार्यालय कास्कीका अनुसार पनि कास्कीमा पछिल्लो समय दुई पांग्रे सवारी साधन चोरीको घटनाबारे पर्ने उजुरीको संख्या बढ्दै गएको छ । जिल्ला प्रहरी कार्यालय कास्कीका प्रवक्ता डीएसपी श्रवणकुमार विकका अनुसार चालु आर्थिक वर्षमा मात्रै २० वटा मोटरसाइकल, स्कुटर हराएको उजुरी परेको छ ।

चोरी भएकामध्ये केही मात्रै प्रहरीमा पुग्ने र बाँकीले आफ्नै तरिकाले खोजी गर्ने भएकाले चोरी संख्या अझै धेरै हुन सक्ने डीएसपी विकको भनाइ छ । ‘मोटरसाइकल हरायो भनेर प्रहरीकोमा उजुरी आउँछन् । तर, कतिपय अवस्थामा आफूले पनि आफ्नो हिसाबमा खोज्ने काम भइरहेकै छन्’, उनले भने ।

मोटरसाइकल, स्कुटर धनीले सुरक्षाका लागि सामान्य सुरक्षा विधिहरु पनि नअपनाउँदा चोरीको घटना बढेको डीएसपी विक बताउँछन् । ‘ह्यान्डिल लक गर्ने, एकान्तमा राख्ने मोटरसाइकल राख्नेलगायतले पनि चोरी बढेको देखिन्छ’, उनले भने, ‘तर, कतिपय अवस्थामा पेशेवर व्यक्तिहरुबाट पनि चोरी भइरहेको हाम्रो बुझाइ छ ।’

तर, दिनदहाडै पोखराका मुख्यमुख्य बजार क्षेत्रबाटै धमाधम मोटरसाइकल, स्कुटर चोरी घटना बढिरहँदा पनि प्रहरीले नियन्त्रणमा लिन सकेको छैन । चालु आर्थिक वर्षमा दर्ता भएका २० घटनामध्ये प्रहरीले एउटामात्रै मोटरसाइकल फेला पार्न सकेको छ ।

चोरी भएका मोटरसाइकल नम्बर प्लेट परिवर्तन गरेर प्रायः ग्रामीण भेगमा पुर्‍याउने र बाँकीको पार्टपूर्जा निकालेर बिक्री वितरण गर्ने हुँदा फेला पार्नै मुस्किल हुने जिल्ला प्रहरी कार्यालय कास्कीका प्रवक्ता डीएसपी विक बताउँछन् ।

तर, आफूहरुले खोजी कार्यलाई भने निरन्तरता दिइरहेको उनको दाबी छ । ‘हाम्रोमा आएको उजुरीको विषयलाई गम्भीर रुपमा लिएर सम्बन्धित निकाय सबैसँग समन्वय गरेर खोजी गरिरहेकै छौं,’ उनले भने ।

  • साझा परिवेश
  • सोमवार, चैत्र १३, २०७९ १६:४३

प्रतिक्रिया

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

नेपाल अपडेट