अमेरिकी डलर साटिदिने बहानामा लुटपाट पर्ने समूह पक्राउ
साझा परिवेश
शुक्रबार, चैत्र २४, २०७९ 0९:३0
अमेरिकी डलर साटिदिने बहानामा लुटपाट पर्ने समूह पक्रा
काठमाडौं । सस्तो दरमा अमेरिकी डलरसँग नेपाली रूपैयाँ साटिदिने बहानामा लुटपाट पर्ने एक समूहलाई प्रहरीले पक्राउ गरेको छ।
काठमाडौं उपत्यकाका विभिन्न स्थानमा अमेरिकी डलरसँग नेपाली रूपैयाँ साटिदिने प्रलोभनमा पारी श्रृङखलाबद्ध रुपमा ठग्ने र लुट्ने ५ जनालाई प्रहरीले पक्राउ गरेको हो।
पक्राउ पर्नेमा सिन्धुपाल्चोकको बाह्रबिसे नगरपालिका-५ सिङगाचेका २४ वर्षीय विकास तामाङ, बाह्रबिसे-५ कै २८ वर्षीय साजन तामाङ र बाह्रबिसे-५ सिखोरङका ३५ वर्षीय प्रेमबहादुर तामाङ रहेका छन्। धादिङको सुनौलो बजार गाउँपालिका-७ का ३२ वर्षीय सुरेश कोइराला र धनकुटाको बेलरा-७ का ३२ वर्षीय दिपक दमाईलाई पनि प्रहरीले पक्राउ गरेको हो।
पक्राउ परेका ५ जनामाथि ठगी मुद्दामा कारवाही तथा अनुसन्धानका लागि जिल्ला प्रहरी परिसर टेकुमा पठाइएको काठमाडौं उपत्यका अनुसन्धान कार्यालयका प्रवक्ता प्रहरी उपरीक्षक रविन्द्र रेग्मीले जानकारी दिए।
