भाइरल अडियोको बारेमा सरकारले शीघ्र छानबिन गरोस्: दिलकुमारी रावल

काठमाडौँ । राष्ट्रियसभाका नेकपा एमालेकी सांसद दिलकुमारी रावलले दुई करोड घुस प्रकरणको अडियो सार्वजनिक भएपछि विवादमा मुछिएका राष्ट्रिय स्वतन्त्र पार्टीका निलम्बित सांसद ढाकाकुमार श्रेष्ठबारे सत्यतथ्य छानबिन गरी कारबाही गर्न सरकारसँग माग गरेका थिए।

सोमबार राष्ट्रियसभा बैठकमा विशेष समय लिएर बोल्दै उनले घुस लिने र दिने दुवै राष्ट्रको शत्रु भएकाले घुस लिने काममा निलम्बित सांसद श्रेष्ठ मुछिएका हुन्/होइन? सत्यतथ्य छानवीन गरी कारबाही गर्न सरकारसँग माग गरेका हुन्।

आइतबार सांसद श्रेष्ठले मन्त्री बन्नका लागि २ करोड चाहिएको भन्दै व्यवसायी दुर्गा प्रसाईंसँग पैसा मागेको अडियो विभिन्न सञ्चार माध्याममा सार्वजनिक भएपछि त्यो सामाजिक सञ्जालमा भाइरल भइरहेको छ भने राष्ट्रिय स्वतन्त्र पार्टीले सांसद श्रेष्ठलाई निलम्बिन गरी २४ घण्टै स्पष्टीकरण सोधेको छ।

सांसद रावलले त्यस्ता घटना सत्य हुन वा होइनन्? तथ्य बाहिर ल्याउन सरकारले तत्काल छानबिन गर्नुपर्ने बताइन्।

उनले भने, ‘हामीले देखिरहेका छौँ, अहिले २ करोडको अडियो एकदमै भाइरल भइरहेको छ। यसमा सरकारको के छ? यो के हो? यसको तथ्यसत्य के हो? हामीले भनिरहेका छौँ- घुस लिने र दिने राज्यको शत्रु हुन्। सरकारले यसको तथ्यसत्य छानबिन गरेर कारबाहीका दायरामा ल्याउन नेपाल सरकारलाई ध्यानाकर्षण गराउन चाहन्छु।’

सांसद रावलले सरकारलाई संविधान र कानुनअनुसार अघि बढ्न पनि सचेत गराइन्।

• संसद विघटन