टिपरको ठक्करबाट एक महिलाको मृत्यु भएपछि तनावग्रस्त

सुनसरी ।  इटहरीको मुख्य चोकमा  टिपरको ठक्करबाट एक जनाको मृत्यु भएको छ।

आज  मंगलबार दिउँसो ३:४५ बजेतिर ना १ क ९१०७ नम्बरको टिप्परले को १४ प ५२६ नम्बरको स्कुटरलाई ठक्कर दिँदा स्कुटरमा सवार महिलाको मृत्यु भएको हो।  स्कुटरमा मृतक महिलाकी  छोरी पनि सवार थिइन उनी  घाईते भएको प्रहरीले जनाएको छ।

टिपर चालकले ठक्कर दिएपछि घाइते भएकी महिलालाई ब्याक गरेर महिलालाई मारेको प्रत्यक्षदर्शीले दावी गरेका छन्। दुर्घटनालगत्तै स्थानीयले टिप्परका चालकलाई कुटपिट गर्न थालेपछि तीचालकलाई प्रहरीले नियन्त्रणमा लिएको थियो।

घटनापछि आक्रोशित भएका स्थानीयले टिप्परमाथि ढुंगामुढा गरेका थिए। सो क्रममा प्रहरीलाई समेत ढुंगामुढा गर्न थालेपछि प्रहरीले भिड नियन्त्रणमा लिन पटकपटक लाठी चार्ज गर्दा पनि आक्रोशित सर्वसाधारणले सडक जाम गर्न छोडेका थिएनन् । तीन घण्टाभन्दा बढिसम्म मृतकका आफन्त र स्थानीयले चोकमा ढुंगामुढा गदै विरोध गरेका थिए ।

आक्रोशित स्थानीयका कारण  इटहरी तनावग्रस्त बनेको थियो । प्रहरीले स्थितिलाई नियन्त्रणमा लिनकालागि केही राउन्ड अश्रुग्यास समेत प्रहार गरेको जनाएको छ । अहिले भने स्थिति सहज बनेको कोशी प्रदेश ट्राफिक प्रहरी कार्यालय इटहरीले जनाएको छ।

• संसद विघटन