तनहुँ १ मा आफ्नो उम्मेदवारी निष्क्रिय पार्दै स्वर्णिम वाग्लेलाई लौरोको समर्थन
साझा परिवेश
सोमवार, चैत्र २७, २०७९ १६:२१
काठमाडौं । हाम्रो नेपाली पार्टी (लौरो अभियान) ले तनहुँ १ मा रास्वपाका उम्मेदवार डा. स्वर्णिम वाग्लेलाई समर्थन गरेको छ ।
उक्त क्षेत्रमा विष्णु पराजुलीलाई अघि सारेको लौरो अभियानले पराजुलीको उम्मेदवारीलाई निष्क्रिय पार्दै वाग्लेलाई समर्थन गर्ने निर्णय गरेको हो ।
‘उहाँ आर्थिक क्षेत्रमा अन्तराष्ट्रियरूपमा विज्ञता हासिल गर्नुभएको र हालको अवस्थामा उहाँको विज्ञता नेपालको संसदमा यथाशीघ्र आवश्यकता परेको महसुस गर्दै राष्ट्रिय स्वतन्त्र पार्टीका उम्मेदवार डा. स्वर्णिम वाग्लेलाई हामी सम्पूर्ण वैकल्पिक शक्ति, लौरो अभियान, हाम्रो नेपाली पाट्री र स्वतन्त्र नागरिक समाज ‘नेपाल’ एक भई समर्थन गर्ने निर्णय भएको छ ‘, समर्थनसँगै जारी विज्ञप्तिमा जनाइएको छ ।
