June 13, 2024 | बिहिबार, जेष्ठ ३१, २०८१
सुचनाहरु
श्री केश तेल गुणस्तरीय रहेको उत्पादन कम्पनीको दावी घट्यो सुनको मूल्य, आज कतिमा हुँदैछ कारोबार ? कस्तो रहला आजको मौसम ? प्रतिनिधि सभाको बैठक दुई दिन स्थगित मोदीको शपथ ग्रहणमा भाग लिन प्रधानमन्त्री दाहाल आज भारत जाँदै दुर्ब्यशन विरुद्ध रङ्गभर्दै गौरादह जेसीज सुनको मूल्यमा नयाँ कीर्तिमान टी-२० विश्वकप: नामिबियामाथि स्कटल्याण्ड ५ विकेटले विजयी गौरादहमा खुल्यो “दर्पण कला सँसार”…… गृहमन्त्रीले गिरीबन्धुको फाइल खोल्ने होइन, बोल्नपनि सक्नुहुन्न : विश्वप्रकाश शर्मा मोदीको शपथ ग्रहण समारोहमा जाने तयारीमा प्रधानमन्त्री प्रचण्ड सुनको मुल्य अहिलेसम्मकै उच्च बालेनलाई न्यूरोडको फुटपाथ बढाउन दिनुपर्छ, केन्द्रको हस्तक्षेप बन्द गर- महामन्त्री शर्मा प्रतिनिधिसभाको बैठक आज बस्दै, यस्तो छ आजको कार्यसूची स्रोत नखुलेको ६९ लाखसहित चारजना चिनियाँं नागरिक पक्राउ टी–२० विश्वकप क्रिकेटमा अस्ट्रेलियासँग ओमान ३९ रनले पराजित सहकारी ठगि छानबिन संसदीय समितिको पहिलो बैठक शुरु विपद क्षेत्रको रिपोर्टिङमा जाने पत्रकार र स्वयंसेवकलाई तालिम दिइने सेयर बजारमा ५.५८ अंकको गिरावट हावाहुरी र चट्याङसहित पानी पर्ने सम्भावना

टोपबहादुर रायमाझीलाई अपराधी भनिएको भन्दै संसदमा एमालेको आपत्ति

  • साझा परिवेश
  • बुधबार, चैत्र २९, २०७९ १६:३७
टोपबहादुर रायमाझीलाई अपराधी भनिएको भन्दै संसदमा एमालेको आपत्ति

काठमाडौं । नेकपा एमालेले आफ्नो पार्टीका सचिव टोपबहादुर रायमाझीलाई अपराधी भनिएको भन्दै आपत्ति जनाएको छ ।

बुधबार प्रतिनिधिसभाको बैठकमा नेकपा एकीकृत समाजवादीका उपाध्यक्ष राजेन्द्रप्रसाद पाण्डेले नेपालीलाई भुटानी शरणार्थी बनाएर अमेरिका पठाउने
कार्यमा संलग्न रहेको भनी एमाले सचिव रायमाझी र उनका छोराको समेत नाम आएको भनी प्रश्न उठाएका थिए ।

लगत्तै एमालेका प्रमुख सचेतक पदम गिरीले आपत्ति जनाएका हुन् । पत्रपत्रिकामा नाम आएको भरमा कुनै पनि सांसदलाई अपराधी करार गर्न नमिल्ने
भन्दै प्रमुख सचेतक गिरीले पाण्डेको अभिव्यक्ति संसदीय रेकर्डबाट हटाउन माग गरे ।

एकीकृत समाजवादीका उपाधयक्ष समेत रहेका सांसद पाण्डेले ‘अपराधी छन् भने सांसद पनि कारबाहीमा पर्नुपर्छ’ भन्ने आफ्नो भनाइ रहेको भन्दै प्रतिवाद गरे । यस विषयमा सभामुखले भने कुनै निर्णय लिएनन् ।

कसले के भने ?

राजेन्द्रप्रसाद पाण्डे

 …हाम्रो नेपालीहरुको माझमा अर्को एउटा कलंकको टिका लागेको छ । ८७५ जना नेपालीलाई भुटानी शरणार्थी बनाएर अमेरिका उडाउने भन्दै १० लाखदेखि ५० लाखसम्म पैसा उठाएको कुरा बाहिर आएको छ ।
त्यसमा कल्ले उठयो ? भन्दा पूर्व गृहमन्त्री, उहाँको सुरक्षा सल्लाहाकार इन्द्रजित राई, एमाले नेता टोपबहादुर रायमाझी, उहाँका छोरा सन्दिप रायमाझी समेतको नाम आएको छ ।

पत्रपत्रिकाले डेढ करोडको चेक काटिदिएको प्रष्टै छापिदिएका छन् । यस्तो खालको जघन्य अपराधपूर्ण जो काम भएको छ । यी सबै अपराधीहरुलाई कडाइका साथ कारबाही गर्ने गरी सरकारले तत्काल छानविन गरोस् ।

पदम गिरी :

माननीय ज्युले आफ्नो बिचारहरु राख्नेक्रममा यही सदनको अर्को सदस्य, माननीयलाई अपराधी भनेर बोल्ने काम गर्नुभएको छ । यो संसदमा विद्यमान नियमावलीको विलकुलै मर्म विपरीत छ ।
जुन अभिव्यक्ति राख्नुभएको छ, यसले संसदीय मर्यादा कायम हुन सक्दैन ।

पत्रपत्रिकामा के कुरा आयो एउटा विषय हो । त्यसको छानबिन गर्ने आफ्नो प्रक्रिया छ । छानबिन गर्नुपर्छ जो कसैलाई पनि । छानबिनको दायरामा ल्याउने राज्यको दायित्व हो । त्यो काम गरोस् ।
तर, पत्रपत्रिकामा कसैको नाम आएको भरमा कुनै पार्टीका नेता वा कुनै माननीय सांसदलाई अपराधी करार गर्न पाइँदैन । यसमा हाम्रो गम्भीर आपत्ति छ । यसलाई रेकर्डबाट हटाइयोस् ।

राजेन्द्रप्रसाद पाण्डे :

पत्रपत्रिकामा नाम आएको छ । यही संसदकै सदस्यको नाम पनि जोडेर उहाँको छोराको नाममा चेक काटेको भनेर कुरा आएको छ । मैले अपराधीहरुलाई कारबाही गरियोस् भनेको छु ।

सांसद फलानालाई कारबाही गरियोस् भनेको छैन । अपराधी छन् भने सांसद पनि कारबाहीमा पर्नुपर्छ । मेरो भनाइ यत्ति मात्रै हो ।

  • साझा परिवेश
  • बुधबार, चैत्र २९, २०७९ १६:३७

प्रतिक्रिया

तपाइको प्रतिक्रिया दिनुहोस्