July 16, 2024 | मङ्लबार, असार ३२, २०८१
सुचनाहरु
संघीय संसद्का दुवै सदनको बैठक बस्दै अर्जेन्टिनाले जित्यो कोपा अमेरिकाको उपाधि सुनको मूल्य अहिलेसम्मकै उच्च प्रधानमन्त्री ओलीको क्याविनेटमा को को बने मंत्री ? प्रधानमन्त्री ओलीलाई भारतीय प्रधानमन्त्री मोदीको बधाई कोशीमा सरकार पुनर्गठनको तयारी कोकिनसहित विदेशी महिला पक्राउ मुकुल ढकाललाई स्वर्णिम वाग्लेको सचिवालयबाट धम्की कोशी, बागमती र गण्डकी प्रदेशका केही स्थानमा भारी वर्षा हुने पशुपतिनाथमा बृहत् कोटीहोम महायज्ञ आयोजना हुँदै आज देशको ४५औँ प्रधानमन्त्री बन्दै एमाले अध्यक्ष केपी शर्मा ओली युरोकपको फाइनल आज, स्पेन र इङ्ल्याण्ड भिड्दै राष्ट्रिय परिचयपत्र लागू गर्ने निर्णयबाट पछि हट्यो सरकार गौतमबुद्ध अन्तर्राष्ट्रिय विमानस्थलमा अवतरणका क्रममा बुद्धएयरको जहाज चिप्लियो प्रधानमन्त्री पुष्पकमल दाहाल ‘प्रचण्ड’ले आज विश्वासको मत लिँदै बेपत्ता यात्रुको खोजी तथा उद्धार गर्न प्रधानमन्त्री दाहालको निर्देशन बालेनसँग श्रीलंकाका राजदूत पाथिरानाको शिष्टाचार भेट अठार महिनामा पाँचौँपटक विश्वासको मत लिँदै प्रधानमन्त्री ४३ जिल्ला वर्षाको उच्च जोखिम, आवश्यक पूर्वतयारी गर्न आह्वान कोलम्बिया कोपा अमेरिका कपको फाइनलमा

कोहलपुरमा दश तले भ्यूटावरको निर्माण

  • साझा परिवेश
  • बिहिबार, चैत्र ३०, २०७९ १३:२३
कोहलपुरमा दश तले भ्यूटावरको निर्माण

नेपालगञ्ज । पश्चिम नेपालको मुख्य ट्रान्जिटको रूपमा रहेको कोहलपुरमा काठमाडौंको धरहराको झल्को दिने गरी निर्माण गरिएको दश तले भ्यूटावरको निर्माण सम्पन्न भएको छ ।

कोहलपुर नगरपालिका–११ गोलपार्कमा निर्माण गरिएको लिफ्टसहितको सुविधा सम्पन्न सो भ्यूटावरको निर्माण कार्य पूरा गरिएको निर्माण कम्पनी एशोसिएट जय भवानी निर्माण कम्पनीका सञ्चालन अर्जुन पनेरुले बताउनुभयो ।

उहाँले दुई साताभित्र सर्वसाधारणका लागि खोलिने तयारी भइरहेको जनाउँदै सहरवासीलाई समयको जानकारी गराउने उद्देश्यले ठूलो घडी राखिने कार्य मात्र बाँकी रहेको बताउनुभयो ।

समग्र पश्चिम नेपाल मात्र नभई भारतीय नागरिकलाई समेत आकर्षित गर्ने गरी नगरपालिकाको गौरवको योजनामा पारेर सो अत्याधुनिक भ्यूटावरको निर्माण गरिएको नगरपालिकाले जनाएको छ । सो टावरमा लिफ्टबाट माथि जान सकिने र त्यहाँबाट कोहलपुरको चारैतिरको रमणीय दृश्यावलोकन गर्न सकिने छ ।

पाँच करोड ८८ लाखको लागतमा निर्माण गरिएको सो अत्याधुनिक भ्यूटावरले कोहलपुर क्षेत्रमा आन्तरिक तथा बाह्य पर्यटकलाई आकर्षित गर्ने कोहलपुर नगरपालिकाका मेयर पूर्ण आचार्यले बताउनुभयो । उहाँले यो टावर सञ्चालनमा आएपछि यसलाई हेर्न दैनिक सयौँ स्वदेशी र भारतीय नागरिकहरू आउने बताउनुभयो ।

नौ रेक्टर स्केलको भूकम्पले पनि क्षति नहुने गरी भ्यूटावर निर्माण गरिएको कोहलपुर नगरपालिकाका पूर्वाधार विकास शाखाले जनाएको छ ।

भ्यूटावरको माथि पुग्न एक पटक १५ जना जानसक्ने क्षमताको लिफ्ट जडान गरिएको छ भने भ्यूटावरमा दृश्यावलोकनका लागि एकपटकमा ५० जना जान सक्ने क्षमता रहेको छ ।

कोरोना महामारीका कारण निर्धारित समयमा टावरको निर्माण कार्य पूरा नहुँदा निर्माण कम्पनीले म्याद थप गराएको थियो ।

  • साझा परिवेश
  • बिहिबार, चैत्र ३०, २०७९ १३:२३

प्रतिक्रिया

तपाइको प्रतिक्रिया दिनुहोस्