June 18, 2024 | मङ्लबार, असार ४, २०८१
सुचनाहरु
गौरादह २ को वडास्तरीय सार्वजनिक सुनुवाइ कार्यक्रम सम्पन्न श्री केश तेल गुणस्तरीय रहेको उत्पादन कम्पनीको दावी घट्यो सुनको मूल्य, आज कतिमा हुँदैछ कारोबार ? कस्तो रहला आजको मौसम ? प्रतिनिधि सभाको बैठक दुई दिन स्थगित मोदीको शपथ ग्रहणमा भाग लिन प्रधानमन्त्री दाहाल आज भारत जाँदै दुर्ब्यशन विरुद्ध रङ्गभर्दै गौरादह जेसीज सुनको मूल्यमा नयाँ कीर्तिमान टी-२० विश्वकप: नामिबियामाथि स्कटल्याण्ड ५ विकेटले विजयी गौरादहमा खुल्यो “दर्पण कला सँसार”…… गृहमन्त्रीले गिरीबन्धुको फाइल खोल्ने होइन, बोल्नपनि सक्नुहुन्न : विश्वप्रकाश शर्मा मोदीको शपथ ग्रहण समारोहमा जाने तयारीमा प्रधानमन्त्री प्रचण्ड सुनको मुल्य अहिलेसम्मकै उच्च बालेनलाई न्यूरोडको फुटपाथ बढाउन दिनुपर्छ, केन्द्रको हस्तक्षेप बन्द गर- महामन्त्री शर्मा प्रतिनिधिसभाको बैठक आज बस्दै, यस्तो छ आजको कार्यसूची स्रोत नखुलेको ६९ लाखसहित चारजना चिनियाँं नागरिक पक्राउ टी–२० विश्वकप क्रिकेटमा अस्ट्रेलियासँग ओमान ३९ रनले पराजित सहकारी ठगि छानबिन संसदीय समितिको पहिलो बैठक शुरु विपद क्षेत्रको रिपोर्टिङमा जाने पत्रकार र स्वयंसेवकलाई तालिम दिइने सेयर बजारमा ५.५८ अंकको गिरावट

अतिक अहमदको क्यामराको अगाडि हत्या

  • साझा परिवेश
  • आइतवार, बैशाख ३, २०८० १0:५६
अतिक अहमदको क्यामराको अगाडि हत्या

एजेनसी । उत्तर प्रदेशको प्रयागराजमा पूर्व सांसद अतिक अहमद र उनका भाइ अशरफको शनिवार राती गोली हानी हत्या गरिएको छ । उत्तर प्रदेश प्रहरीले पूर्व सांसद अतिक अहमद र उनका भाइको हत्या भएको पुष्टि गरेको छ । प्रहरीका अनुसार आक्रमणकारी पत्रकार बनेर आएका थिए ।

तीनै आक्रमणकारीलाई पक्राउ गरिएको प्रहरीले जनाएको छ । यसैबीच मुख्यमन्त्री योगी आदित्यनाथले यस घटनालाई लिएर उच्चस्तरीय बैठक बोलाएका छन् ।

योगी आदित्यनाथले पनि यस विषयमा उच्चस्तरीय छानबिनको आदेश दिएका छन् । घटनाको छानबिन गर्न तीन सदस्यीय न्यायिक आयोग पनि गठन गरिएको छ ।

घटनाको विवरण दिँदै प्रयागराजका प्रहरी आयुक्तले भने, ‘अतीक अहमद र उनका भाइ अशरफलाई कानुनी आवश्यकताहरू पूरा गर्न स्वास्थ परीक्षणका लागि लगिएको थियो । त्यही क्रममा यो घटना भएको हो ।’

atik1अतिक अहमद र उनका भाइ अशरफमाथि आक्रमण हुँदा प्रहरीले उनीहरूलाई प्रयागराजको कोल्भिन अस्पतालमा स्वास्थ परीक्षणका लागि लगेको थियो ।

अस्पताल नजिकै प्रहरीले घेरिएका अतिक र असरफलाई पत्रकार बनेर आएका आक्रमणकारीले नजिकबाट गोली हानेका थिए र उनीहरूको मृत्युपछि धार्मिक नारा लगाएका थिए ।

प्रयागराजका प्रहरी आयुक्त रमित शर्माले भने, ‘पत्रकारले अतिक अहमद र उनका भाइसँग कुरा गरिरहेका थिए, त्यति नै बेला पत्रकारको रूपमा प्रस्तुत भएका आक्रमणकारीहरूले अचानक गोली चलाए । तीनै आक्रमणकारीलाई पक्राउ गरिएको छ ।’

प्रहरीका अनुसार घटनामा एक प्रहरी घाइते भएका छन् भने एक पत्रकार पनि सामान्य घाइते भएका छन् ।

आक्रमणपछि प्रहरीले अस्पताल वरपरको क्षेत्रमा नाकाबन्दी गरेको छ ।

atik2को हुन् आक्रमणकारी ?

प्रहरीका अनुसार यस घटनामा तीन आक्रमणकारीलाई नियन्त्रणमा लिइएको छ । यद्यपि प्रहरीले आक्रमणकारीको परिचय भने सार्वजनिक गरेको छैन ।

आक्रमणकारीको बारेमा सोधपुछ भइरहेको र थप विवरण आउने प्रहरीले जनाएको छ ।

atik3कसरी भयो हत्या ?

अतिक अहमदलाई प्रहरी सुरक्षामा गाडीबाट बाहिर निकालेर स्वास्थ्य परीक्षणका लागि लगिएको थियो । तीव्र रूपमा भएको घटनाक्रममा दुवै भाइको हत्या गरिएको छ ।

यसै क्रममा अस्पताल अगाडि उपस्थित पत्रकार अतिक र उनका भाइसँग कुरा गरिरहेका थिए, अचानक आएका आक्रमणकारीले उनीहरूमाथि नजिकबाट गोली प्रहार गरेका थिए । गोली चलेको यो घटना मिडियाको क्यामेरामा कैद भएको छ ।

घटनाको भिडियोमा अस्पतालको अगाडि प्रहरीको गाडी रोकिएको देख्न सकिन्छ, जहाँबाट पहिले अशरफ र अतिक ओर्लिन्छन् । अतिक र उनका भाइको हात हतकडीमा बाँधिएको थियो ।

भिडियोमा अतिक आफ्नो भाइसँग प्रहरीको बीचमा हिँडिरहेको देखिन्छन् । आफ्नो गाडीबाट ओर्लिएपछि एक पत्रकारले अतिकलाई आफ्ना छोरा असद अहमदको अन्त्येष्टिमा सहभागी हुन नसकेकोमा प्रश्न गर्छन् ।

atik4अतिक अहमद बोल्न थाल्छन् र भन्छन् – लिएर गएनन् त गएनन् । तर उनले केही भन्नु अघि नै क्यामेराको अगाडि एउटा पिस्तोल देखिन्छ । केही सेकेन्डमा, पहिले अतिक र त्यसपछि अशरफलाई धेरै नजिकबाट गोली हानिन्छ ।

यसपछि गोलीबारी सुरु भयो । दुवै दाजुभाइ भुईँमा ढल्छन् ।

अतिक अहमद र उनका भाइ अशरफ सांसद राजु पालको हत्या मामिलामा जेलमा बन्द थिए ।

हत्याका बेला अतिक अहमदका वकिल विजय मिश्रा पनि घटनास्थल नजिकै थिए । सञ्चारमाध्यमसँग कुरा गर्दै उनले भने, ‘अतिक अहमद र अशरफलाई गाडीबाट निकालेर लैजाँदै गर्दा गोली चलेको आवाज आयो । गोली जसले चलाएको थियो प्रहरीले उनीहरूलाई तुरुन्त पक्राउ गरेको थियो । चारैतिर हल्लाखल्ला मच्चिएको थियो ।’

atik5दुई दिनअघि छोराको इन्काउन्टर

बिहीबार, अतिक अहमदका छोरा असद र उनका सहयोगी गुलाम मोहम्मदलाई झाँसीमा उत्तर प्रदेश प्रहरीको विशेष कार्य बलले मुठभेडमा मारेको थियो ।

असद र गुलामको अन्तिम संस्कार शनिवार नै प्रयागराजमा भएको थियो ।

युपी पुलिसका अनुसार असद र गुलाम उमेश पालको हत्यामा वान्टेड थिए र दुवैमाथि पाँच लाख भारु इनाम घोषणा गरिएको थियो ।

atik6उत्तर प्रदेश सरकारको निशानामा अतिक

उत्तर प्रदेशमा मुख्यमन्त्री योगी आदित्यनाथको सरकारले माफिया र अपराधीविरुद्ध कडा कारबाही सुरु गरेको छ ।

पछिल्लो छ वर्षको अवधिमा गरिएको कारबाहीमा अतिक अहमदको समूहका धेरै सदस्य पक्राउ परेका छन् ।

अतिक अहमद र उनीसँग सम्बन्धित व्यक्तिहरूको सम्पत्ति या त युपी सरकारले जफत गरेको छ वा सम्पत्ति ध्वस्त पारेको छ ।

एक अनुमानका अनुसार, अतिक र उनको समूहका व्यक्तिहरूको करिब ८०० करोडको सम्पत्ति सरकारले कि त जफत गरेको छ कि ध्वस्त पारेको छ ।

 

  • साझा परिवेश
  • आइतवार, बैशाख ३, २०८० १0:५६

प्रतिक्रिया

तपाइको प्रतिक्रिया दिनुहोस्