June 13, 2024 | बिहिबार, जेष्ठ ३१, २०८१
सुचनाहरु
श्री केश तेल गुणस्तरीय रहेको उत्पादन कम्पनीको दावी घट्यो सुनको मूल्य, आज कतिमा हुँदैछ कारोबार ? कस्तो रहला आजको मौसम ? प्रतिनिधि सभाको बैठक दुई दिन स्थगित मोदीको शपथ ग्रहणमा भाग लिन प्रधानमन्त्री दाहाल आज भारत जाँदै दुर्ब्यशन विरुद्ध रङ्गभर्दै गौरादह जेसीज सुनको मूल्यमा नयाँ कीर्तिमान टी-२० विश्वकप: नामिबियामाथि स्कटल्याण्ड ५ विकेटले विजयी गौरादहमा खुल्यो “दर्पण कला सँसार”…… गृहमन्त्रीले गिरीबन्धुको फाइल खोल्ने होइन, बोल्नपनि सक्नुहुन्न : विश्वप्रकाश शर्मा मोदीको शपथ ग्रहण समारोहमा जाने तयारीमा प्रधानमन्त्री प्रचण्ड सुनको मुल्य अहिलेसम्मकै उच्च बालेनलाई न्यूरोडको फुटपाथ बढाउन दिनुपर्छ, केन्द्रको हस्तक्षेप बन्द गर- महामन्त्री शर्मा प्रतिनिधिसभाको बैठक आज बस्दै, यस्तो छ आजको कार्यसूची स्रोत नखुलेको ६९ लाखसहित चारजना चिनियाँं नागरिक पक्राउ टी–२० विश्वकप क्रिकेटमा अस्ट्रेलियासँग ओमान ३९ रनले पराजित सहकारी ठगि छानबिन संसदीय समितिको पहिलो बैठक शुरु विपद क्षेत्रको रिपोर्टिङमा जाने पत्रकार र स्वयंसेवकलाई तालिम दिइने सेयर बजारमा ५.५८ अंकको गिरावट हावाहुरी र चट्याङसहित पानी पर्ने सम्भावना

पोल्याण्ड लैजाने भनेर जनही ८ लाख असुल्ने सानुकान्छा फरार

  • साझा परिवेश
  • बुधबार, बैशाख ६, २०८० ११:१३
पोल्याण्ड लैजाने भनेर जनही ८ लाख असुल्ने सानुकान्छा फरार

काठमाडौँ । नुवाकोटको ककनीका सानु कान्छा तामाङको नाम तपाईहरु पनि याद राख्नु होला । यी मानिस कहाँ छन् थाहा छैन । धेरै परिवार छिन्नभिन्न हुने गरी सानुकान्छाले ठूलो रकम ठगी गरेको पीडितहरुले दावी गरेका छन् । पोल्याण्ड लैजाने भनेर जनही ८ लाख असुल्ने सानुकान्छा सम्पर्कविहीन भएका छन् । वैदेशिक रोजागारीका नाममा हुने ठगीको अर्को यो डरलाग्दो घटनाबाट पीडित भएकाहरुको घर परिवार र स्वास्थ्य समेत बिग्रिने अवस्थामा छ । कसैलाई विश्वास मात्रै गर्दा पनि कहिले काहिँ जीवन बर्बादीको संघारमा पुग्न सक्छ । यस्तै अवस्थाबाट गुज्रिरहेका केही पीडितहरु हाम्रो कार्यालयसम्म आइपुगेका छन् ।

काठमाडौंको गोलढुंगा बस्ने सर्मिला महर्जनको परिवार अहिले विचल्लीमा छ । परिवार विचल्लीमा पर्नुको एउटै कारण वैदेशिक रोजगारीका क्रममा गरिएको ठगी हो । शर्मिलाको गोलढुंगामै राम्रै चलेको झोला कारखाना थियो । कोरोना महामारीपछि व्यवसाय सिथिल बन्यो । भाडा समेत तिर्न मुस्किल परेपछि उनीहरुले चलेका व्यवसाय नै बन्द गरे ।

त्यसपछि उनीहरुसँग अर्को विकल्प थियो, वैदेशिक रोजगारी । उनका पति पुष्पलाल योन्जन पोल्याण्ड जाने तयारी गरे । साथीबाट एजेन्टसँग कुरा पनि भयो । सुरुमा पोल्याण्डका लागि ३ लाख मात्रै लाग्ने भनिए पनि दलालले यो परिवारबाट ८ लाख रुपैयाँ असुले । महर्जन परिवारले सहकारीबाट ऋण लिएर दलाललाई ८ लाख बुझाएका थिए । अहिले दिन प्रतिदिन सहकारीको व्याज बढ्दै गएको छ । सहकारीकै टर्चरका कारण उनका पति भारत भासिए । तर, भारतमा पनि उनी ठगिमा परेका छन । घरमा ससाना छोरा छोरी छन् । अर्थात विदेश जान लिईएको ऋण तिर्न नसक्दा उनको परिवारको विचल्ली भएको छ ।

पीडितका अनुसार प्रविण भनेर चिनिने सानु कान्छा तामाङले यो परिवारको खुशी लुटिदिएका छन । दलालले झुक्याएर युक्रेनबाट पोल्याण्ड पठाउने भन्दै युक्रेनको नक्कली भिसा र टिकट समेत दिएका थिए । तर, अहिले दलाल कान्छा सम्पर्क विहिन छन । ८ लाखको चेक अहिले यो परिवारको हातमा छ । चेक बाउन्स गरेर उनीहरु बसीरहेका छन । तर, न्याय पाउने कुनै निकाय फेला परेको छैन ।

यीनै दलाल कान्छाबाट ठगिएका अन्य मानिसहरु पनि हाम्रो कार्यलय आइ पुगेका छन । नुवाकोट देउरालीका यी सञ्जय तामाङको समस्या अझै कहालीलाग्दो छ । १७ महिनाअघि उनले पोल्याडको लागि भन्दै सहकारीमा जग्गा धितो राखेर ८ लाख रुपैयाँ दलालको हातमा बुझाए । आफ्नी श्रीमती मार्फत दलालसँग उनको चिनजान भएको थियो । दलाल सानु कान्छाले पैसा बुझाएको एक हप्तामा भिसा आउछ भनेर झुक्याएका थिए । तर पैसा लिएपछि सानुकान्छा सम्पर्कविहिन भए ।

सहकारीबाट लिएको ऋण सञ्जयले पनि तिर्न सकेका छैनन् । सहकारीले पैसा नतिरे घर लिलाम गर्ने चेतावनी दिँदै आएको छ । त्यतिमात्रै होइन, ऋणले तनाव दिएपछि सञ्जयकी पत्नीसमेत अहिले घरमा छैनन् । आर्थिक व्यवहार बिग्रिएपछि सञ्जयलाई पत्नीले समेत सम्बन्ध विच्छेद गर्ने तयारी गरिरहेकी छिन् । हाँसीखुसी रहेको परिवारमा सानुकान्छाले वीष घोलिदिएका छन् । सञ्जयको परिवार अहिले छिन्नभिन्न हुने संघारमा पुगेको छ ।

धेरै परिवारको विचल्ली बनाउने सानुकान्छाको स्थायी ठेगाना नुवाकोट ककनी गाउँपालिका हो । सञ्जय पनि नुवाकोटकै भएकाले आफ्नै मान्छे भनेर दलाले आत्मविश्वास दिलाए । मासिक एक लाख बढी कमाइ हुने आश्वासन सानुकान्छाले दिएका थिए । तर, उनको पनि हातमा ८ लाखको चेक थमाएर सानुकान्छा सम्पर्कविहिन भएका छन ।

पोल्याण्ड जान अर्का यी युवाले पनि सहकारीबाट ऋण लिएर सानुकान्छालाई पैसा बुझाएका थिए । अहिले न हातमा पैसा, न भिसा । उल्टो ऋणको भारीले थिचिएपछि पीडितहरुमा सन्नाटा छाएको छ ।

पीडितहरु प्रहरीमा पनि पुगेका छन् । तर प्रहरीले फरार व्यक्तिलाई खोजेर ल्याउनु भन्ने जवाफ दिएको छ । आरोपी सानुकान्छाको मोबाइल नम्बरमा हामीले पटक पटक सम्पर्क गर्ने प्रयास गर्यौं तर उनीसँग सम्पर्क हुन सकेन । उनको मोबाइलमा पठाएको एसएमएसको पनि कुनै जवाफ प्राप्त हुन सकेन ।

  • साझा परिवेश
  • बुधबार, बैशाख ६, २०८० ११:१३

प्रतिक्रिया

तपाइको प्रतिक्रिया दिनुहोस्