July 15, 2024 | सोमवार, असार ३१, २०८१
सुचनाहरु
संघीय संसद्का दुवै सदनको बैठक बस्दै अर्जेन्टिनाले जित्यो कोपा अमेरिकाको उपाधि सुनको मूल्य अहिलेसम्मकै उच्च प्रधानमन्त्री ओलीको क्याविनेटमा को को बने मंत्री ? प्रधानमन्त्री ओलीलाई भारतीय प्रधानमन्त्री मोदीको बधाई कोशीमा सरकार पुनर्गठनको तयारी कोकिनसहित विदेशी महिला पक्राउ मुकुल ढकाललाई स्वर्णिम वाग्लेको सचिवालयबाट धम्की कोशी, बागमती र गण्डकी प्रदेशका केही स्थानमा भारी वर्षा हुने पशुपतिनाथमा बृहत् कोटीहोम महायज्ञ आयोजना हुँदै आज देशको ४५औँ प्रधानमन्त्री बन्दै एमाले अध्यक्ष केपी शर्मा ओली युरोकपको फाइनल आज, स्पेन र इङ्ल्याण्ड भिड्दै राष्ट्रिय परिचयपत्र लागू गर्ने निर्णयबाट पछि हट्यो सरकार गौतमबुद्ध अन्तर्राष्ट्रिय विमानस्थलमा अवतरणका क्रममा बुद्धएयरको जहाज चिप्लियो प्रधानमन्त्री पुष्पकमल दाहाल ‘प्रचण्ड’ले आज विश्वासको मत लिँदै बेपत्ता यात्रुको खोजी तथा उद्धार गर्न प्रधानमन्त्री दाहालको निर्देशन बालेनसँग श्रीलंकाका राजदूत पाथिरानाको शिष्टाचार भेट अठार महिनामा पाँचौँपटक विश्वासको मत लिँदै प्रधानमन्त्री ४३ जिल्ला वर्षाको उच्च जोखिम, आवश्यक पूर्वतयारी गर्न आह्वान कोलम्बिया कोपा अमेरिका कपको फाइनलमा

२ दिनभित्रै प्रदेश सरकारको नेतृत्व र मन्त्रिपरिषद् विस्तारबारे प्याकेजमा टुङ्गो लाग्छ : खगराज भट्ट

  • साझा परिवेश
  • शुक्रबार, चैत्र १०, २०७९ १३:५८
२ दिनभित्रै प्रदेश सरकारको नेतृत्व र मन्त्रिपरिषद् विस्तारबारे प्याकेजमा टुङ्गो लाग्छ : खगराज भट्ट

सुदूरपश्चिम प्रदेशसभामा नेपाली कांग्रेस संसदीय दलका नेतासमेत रहेका मुख्यमन्त्री कमलबहादुर शाह नेतृत्वको मन्त्रीमण्डलले अझै पूर्णता पाउन सकेको छैन । दलहरुबिच नेतृत्व र मन्त्रालय भागबण्डाबारे समझदारी बनिसकेको छैन । सत्ता साझेदार दलमध्येको मुख्य घटक नेकपा माओवादी केन्द्रले सरकारको नेतृत्व आलोपालो हुनुपर्ने अडान राख्दै आएको छ । दलहरुले प्याकेजमै सहमति हुने बताइरहेका छन् ।

सत्ता गठबन्धनको घटक नेकपा माओवादीका सुदूरपश्चिम इन्चार्ज समेत रहेका संसदीय दलका नेता खगराज भटट्ले शीर्ष तहबाटै सबै कुराको टुङ्गो दुई दिनभित्रै लाग्ने बताएका छन् । उनले आफू सरकारको नेतृत्वको अडानबाट पछि नहटे पनि शीर्ष नेतृत्वको समझदारीलाई आत्मसात् गरेर जाने स्पष्ट पारेका छन् । यिनै सन्दर्भमा खगराज भटट्सँग रातोपाटीकर्मी लखन चौधरीले संक्षिप्त कुराकानी गरेका छन् । प्रस्तुत छ, उनीसँग गरिएको कुराकानीको सम्पादित अश :

सुदूरपश्चिम सरकारको मन्त्रिपरिषद विस्तारको गाँठो कहाँ अड्कियो ?

यसको विषयमा गाँठो परेकै छैन । कहाँ अड्किनु ? सबै कुरा सजिलै हुन्छ । संघ र प्रदेशको सबै कुरा प्याकेजमै हुन्छ । शीघ्र टुङ्गिने छ ।

मुख्यमन्त्री नियुक्त भएको पनि डेढ महिना पुग्दैछ । मन्त्रिपरिषद् विस्तारमा ढिला भएको होइन र ?

नयाँ गठबन्धन बन्यो । राजनीतिक दलको ध्यान राष्ट्रपति र उपराष्ट्रपति निर्वाचनमा केन्द्रित भयो । यसपछि संघको सरकार र प्रदेशका सरकारलाई पूर्णता दिन घनीभूत छलफल जारी छ । एक÷दुई दिनभित्र सबै कुरा फाइनल हुन्छ ।

प्याकेजमै सहमति हुन्छ भन्नुभयो । प्याकेजमा के–के कुरा समेटिएला ?

अहिले १०÷११ वटा दलको गठबन्धन हो । सबैका आकांक्षा, सबैका चाहनालाई समवेदनशीलताका साथ लिनुपर्ने कुरा हुन्छ । यो गठबन्धनलाई परसम्म लैजाने उद्देश्यका साथ जाने हो । त्यही भएर हामीलाई के लागेको छ भने, गठबन्धन अगाडि बढ्छ । त्यसैले हतारमा निर्णय गर्नुभन्दा राम्रो विवेक र सुझबुझका साथ निर्णय गर्दा त्यसको स्थायित्व दीर्घकालीन हुन्छ ।

मुख्यमन्त्रीलाई विश्वासको मत दिनुभन्दा पहिले प्रदेश सरकारको नेतृत्व आलोपालो हुनुपर्छ भन्ने अडान राख्नुभएको थियो । यो विषय पनि समेटिने आशामा हुनुहुन्छ ?

सबै कुरा प्याकेजमै टुङ्गिने भन्या छ । सबै कुरा प्याकेजमै हुने भएपछि यो विषय पनि प्याकेजमै टुङ्गिन्छ । मुख्यमन्त्रीसँगै नियुक्त हुनुभएका यहाँका दुई मन्त्रीको जिम्मेवारीको सवाल पनि छ । नयाँ परिस्थितिमा नयाँ समझदारी अनुसार जिम्मेवारी तोकिन्छ ।

एक महिना बिना विभागीय मन्त्री बन्नुभयो, अनुभव कस्तो रह्यो ? तपाईलाई अब प्रदेशवासीले मन्त्रीको रुपमा नै पाउँछन् कि भावी मुख्यमन्त्रीको रुपमा ? उसै पनि तपाईलाई निर्वाचनदेखि अहिलेसम्म भावी मुख्यमन्त्रीको रुपमा चित्रित गरियो नि ?

यसलाई राजनीतिक आरोहअवरोह र त्यसका धारा प्रवृत्तिको रुपमा हेर्ने कुरा हो । स्वाभाविक रुपमा निर्वाचनताका गठबन्धनले मलाई अगाडि सारेको सत्य हो । र, अहिले परिस्थितिमा आएको परिवर्तनले आउन सक्ने नयाँ प्रकारका समझदारी र समीकरणहरुलाई पनि स्वीकार गर्न हामी तयार हुनुपर्छ । प्याकेजमै के हुन्छ, त्यसको कुनै ठेगान छैन । हाम्रो अडान सबैतिर कायमै छ ।

अन्त्यमा शीर्ष तहबाट हुने समझदारीलाई हामीले लागू गर्ने हो । त्यसकारण सम्भावना त्यता (मुख्यमन्त्री) तिर गयो भने सहर्ष ग्रहण गर्ने । त्यता गएन भने हामी अर्को समझदारी (मन्त्री)लाई आत्मसात् गर्ने हो ।

सरकारको न्यूनतम साझा कार्यक्रम कहिले आउला र के–कस्ता प्राथमिकता समेटिएलान् ?

स्वाभाविक रुपमा सरकारका न्यूनतम साझा कार्यक्रम सरकारले पूर्णता पाउने बित्तिकै आउँछ । दलबिच एकरुपता, समझदारी र विश्वासको वातावरण बनाएर ल्याउने कुरा हो । के–के कुरा समेटिएला भन्ने कुरामा अहिले नै सबै कुरा भन्न त गाह्रो होला । तथापि सुशासनका कुराहरु, जनतालाई डेलिभरी दिने कुराहरु, आर्थिक रुपमा अहिले राष्ट्रलाई परेको संकटलाई निदान दिने कुराहरु, श्रमजीवीहरुको पक्षलाई राहत दिनेदेखि दीर्घकालीन विकासका कुरालगायत मुख्य रुपमा समेटिनुपर्छ । स्वतन्त्र परराष्ट्र नीति बलियो बनाउने कुरा, यिनै कुराहरुको आधारमा अगाडि बढ्छ ।

अघिल्लो ५ वर्ष नेकपा माओवादी केन्द्रले नै प्रदेश सरकारको नेतृत्व ग-यो, प्रदेशले के पायो ? अब यहाँ के गर्न बाँकी रह्यो ? तपाईसहित माओवादी केन्द्रको आगामी भूमिका के रहन्छ ?

विगतको समस्या र कमजोरीबाट पाठ सिकेर वर्तमान र भविष्यको आधारमा हिजोभन्दा जनतालाई सकारात्मक इम्प्रेसन दिने कुरा र राष्ट्रलाई दीर्घकालीन रुपमा सुशासन र समृद्धि दिनतर्फ हाम्रो भूमिका रहन्छ ।

खासगरी संघीय ऐन आउन जरुरी छ । प्रदेशले आवश्यक मात्रामा कर्मचारी जनशक्ति प्राप्त गर्नु प-यो । प्रदेशले स्वायत्तता पाउनु प¥यो । प्रदेशलाई आत्मनिर्भर बनाउने उपाय खोज्नु प¥यो । टुक्रे योजना होइन, प्रदेशका गौरवका योजनालाई अगाडि बढाउनुपर्ने छ । परिणाम दिने योजनाहरुलाई प्राथमिकीकरण गर्नुप¥यो । यहाँको लोक संस्कृति, भाषा साहित्य र इतिहासलाई जर्गेना गर्ने काम हुन जरुरी छ ।

  • साझा परिवेश
  • शुक्रबार, चैत्र १०, २०७९ १३:५८

प्रतिक्रिया

तपाइको प्रतिक्रिया दिनुहोस्