म आँफैले बनाएको पार्टी छाडेर एमालेमा जाँदिन : झलनाथ खनाल
साझा परिवेश
शनिबार, बैशाख ९, २०८० १३:५८
काठमाडौं । नेकपा एकीकृत समाजवादीका सम्मानीत नेता झलनाथ खनालले आफू एमाले फर्किन लागेका हल्लाबारे स्पष्टिकरण दिएका छन् ।
नेपाल कम्युनिस्ट पार्टीको ७४औँ स्थापना दिवसका अवसरमा आज जनकपुरधाममा आयोजित कार्यक्रमलाई सम्बोधन गर्न त्यहाँ पुगेका नेता खनालले सो हल्लाबारे स्पष्टिकरण दिएका हुन् ।
कार्यक्रममा बोल्दै उनले आफू एमालेमा फर्किन लागेको हल्लामा कुनै सत्यता नरहेको स्पष्ट पारे । उनले भने, ‘आफूले बनाएको नयाँ पार्टी (एकीकृत समाजवादी) छाडेर फेरि बिनाकारण एमालेमा फर्किनुको कुनै तुक छैन।’
त्यस्तै नेकपा एस अबपार्टीको महाधिवेशनको तयारीमा रहेकोसमेत उनले बताए । उनले नेकपा एस अन्य दलहरुसँग पार्टी एकताको पक्षमा नरहेको पनि स्पष्ट पारे । यद्यपि हालको अवस्थामा वामपन्थी एकता भने अपरिहार्य रहेको उनले बताए ।
वामपन्थीहरु एक भएको अवस्थामा मुलुकमा अस्थिरता टाढा हुने उनको भनाइ थियो ।
