अर्थमन्त्रीलाई कांग्रेस सांसदको प्रश्न– अर्थतन्त्र सुधार्न नसक्ने भए किन जिम्मेवारी लिएको ?

काठमाडौं । अर्थमन्त्री डा. प्रकाशशरण महतले आफ्नै दलका सांसदहरूबाट खरो प्रश्नको सामना गर्नुपरेको छ । सोमबार बसेको नेपाली कांग्रेस संसदीय दलको बैठकमा सांसदहरूले अर्थतन्त्रका बारेमा प्रश्न गरेका हुन् ।

सरकारले ल्याउन लागेको बजेटका विषयमा छलफल गर्न दलको बैठक बोलाइएको सांसद रामहरि खतिवडाले जानकारी दिए । कार्यान्वयन हुने गरी जनमुखी बजेट ल्याउनुपर्ने धारणा सांसदहरूले राखेको उनले बताए ।

• देउवाले भने– उपनिर्वाचन परिणामले चुनौती थप्यो, चौतर्फी आक्रमण भयो 

बैठकमा सहभागी अर्का एक सांसदका अनुसार ‘अर्थतन्त्र सुधारको अवस्था कस्तो छ ?’ भन्दै डा. महतलाई प्रश्न गरिएको थियो । ‘अर्थतन्त्र सुधार गर्न नसके कांग्रेसले किन अर्थ मन्त्रालय लिएको ?’ भन्दै सांसदहरूले प्रश्न गरेका थिए ।

“अर्थमन्त्रीले आर्थिक सुधार गर्नुपर्छ, गर्न सक्नु भएन । आर्थिक सुधार गर्न नसके कांग्रेसले किन अर्थ मन्त्रालय सम्हाल्नु त भनेर हामीले प्रश्न उठायौँ,” ती सांसदले बाह्रखरीसित भने, “जसरी भए पनि, जे गरेर हुन्छ अहिलेको अवस्थाबाट मुलुकलाई पार लगाउनुपर्छ भनेर हामीले अर्थमन्त्रीलाई बैठकमा भनेका छौँ ।”

अर्का सांसद डिगबहादुर लिम्बूका अनुसार सोमबार (आज) २० सांसदले धारणा राखेका थिए । बैठक भोलि पुनः बस्नेछ । मंगलबार बिहान १० बजे नयाँ बानेश्वरस्थित संघीय संसद् भवनको ल्होत्से हलमा बस्ने गरी बैठक बोलाइएको सांसद लिम्बूले जानकारी दिए । सोमबार पनि ल्होत्से हलमै बैठक बसेको थियो ।

• संसद विघटन