July 16, 2024 | मङ्लबार, असार ३२, २०८१
सुचनाहरु
संघीय संसद्का दुवै सदनको बैठक बस्दै अर्जेन्टिनाले जित्यो कोपा अमेरिकाको उपाधि सुनको मूल्य अहिलेसम्मकै उच्च प्रधानमन्त्री ओलीको क्याविनेटमा को को बने मंत्री ? प्रधानमन्त्री ओलीलाई भारतीय प्रधानमन्त्री मोदीको बधाई कोशीमा सरकार पुनर्गठनको तयारी कोकिनसहित विदेशी महिला पक्राउ मुकुल ढकाललाई स्वर्णिम वाग्लेको सचिवालयबाट धम्की कोशी, बागमती र गण्डकी प्रदेशका केही स्थानमा भारी वर्षा हुने पशुपतिनाथमा बृहत् कोटीहोम महायज्ञ आयोजना हुँदै आज देशको ४५औँ प्रधानमन्त्री बन्दै एमाले अध्यक्ष केपी शर्मा ओली युरोकपको फाइनल आज, स्पेन र इङ्ल्याण्ड भिड्दै राष्ट्रिय परिचयपत्र लागू गर्ने निर्णयबाट पछि हट्यो सरकार गौतमबुद्ध अन्तर्राष्ट्रिय विमानस्थलमा अवतरणका क्रममा बुद्धएयरको जहाज चिप्लियो प्रधानमन्त्री पुष्पकमल दाहाल ‘प्रचण्ड’ले आज विश्वासको मत लिँदै बेपत्ता यात्रुको खोजी तथा उद्धार गर्न प्रधानमन्त्री दाहालको निर्देशन बालेनसँग श्रीलंकाका राजदूत पाथिरानाको शिष्टाचार भेट अठार महिनामा पाँचौँपटक विश्वासको मत लिँदै प्रधानमन्त्री ४३ जिल्ला वर्षाको उच्च जोखिम, आवश्यक पूर्वतयारी गर्न आह्वान कोलम्बिया कोपा अमेरिका कपको फाइनलमा

अध्यक्षको कार्यकक्षमा तालाबन्दी

  • साझा परिवेश
  • बुधबार, बैशाख २०, २०८० ११:३0
अध्यक्षको कार्यकक्षमा तालाबन्दी

उर्लाबारी । कानेपोखरी गाउँपालिकाको प्रमुख प्रशासकीय भवनसहितको केन्द्र यथास्थानमा राखिनुपर्ने मागसहित एक समूहले मङ्गलबार गाउँपालिका अध्यक्षको कार्यकक्षमा ताला लगाएको छ। सोमबार भएको १३औँ गाउँ सभाको दुई तिहाइ बहुमतले गाउँपालिका भवन कानेपोखरी–५ को भौंसाबारीमा सार्ने निर्णय गरेको थियो।

हाल प्रमुख प्रशासकीय भवन रहेको कानेपोखरी–६ का वडाध्यक्षलगायत सबै जनप्रतिनिधि र अरू २५० जना एमालेका सक्रिय सदस्यले सोमबार पार्टीबाट सामूहिक राजीनामा दिनुभएको थियो। प्रशासनिक भवन यथास्थानमा राख्न दबाब दिने उद्देश्यसहित उहाँहरूले राजीनामा दिनुभएको थियो। मङ्गलबार नै वडा नं.–६ को वडा कार्यालयमा समेत सोही समूहले ताला लगाएको छ।

प्रशासनिक भवन सार्ने र यथास्थानमा राख्ने विषयमा विवाद भएपछि मतदानबाट निर्णय गरिएको थियो। गाउँ सभाको बैठकमा भएको मतदानमा २७ जनाले सार्ने पक्षमा मतदान गर्नुभएको थियो भने सात जनाले यथास्थानमा राख्नुपर्ने पक्षमा मतदान गर्नुभएको थियो। चार जनाको मत बदर भएको थियो।

गाउँपालिकाकी अध्यक्ष राजमती इङ्नामको तर्फबाट वडा नम्बर २ का वडाध्यक्ष सुशील बुढाथोकीले गाउँ सभामा पालिकाको केन्द्र पालिकाले खरिद गरेको वडा नम्बर ५ भौंसाबारीमा सार्ने प्रस्ताव गर्नुभएको थियो। उक्त प्रस्तावमा सहमति हुन नसकेपछि मतदान भएको पालिकाका प्रवक्ता सुशील बुढाथोकीले बताउनुभयो।

गाउँपालिकाले गत आर्थिक वर्ष २०७८/७९ मा पालिकाको केन्द्र स्थापनाका लागि भन्दै दुई करोड पाँच लाख रुपियाँमा वडा नम्बर ५ को भौंसाबारीमा एक बिघा जग्गा खरिद गरेको थियो। त्यो जग्गामा पालिकाको प्रमुख प्रशासनिक केन्द्र बनाउने कि नबनाउने भन्ने विषयमा विवाद भइरहेको थियो। गाउँ सभाबाट सार्ने निर्णय भएसँगै अब यो विवाद समाधान भएको प्रवक्ता बुढाथोकीले जानकारी दिनुभयो।

  • साझा परिवेश
  • बुधबार, बैशाख २०, २०८० ११:३0

प्रतिक्रिया

तपाइको प्रतिक्रिया दिनुहोस्