गिद्धा स्कूलमा आसमान नेपालको ४१ प्रकारको प्राविधिक समाग्री सहयोग

जनकपुरधाम । धनुषा जिल्लाको चर्चित समुदायिक विद्यालय रहेको गिद्धा बेलापट्टि स्कूलमा प्राविधिक शैक्षिक समाग्री सहयोग गरिएको छ ।

समाजिक एवम् शिक्षा क्षेत्रमा निरन्तर कार्यरत आसमान नेपालको सिकाई परियोजना अन्तर्गत एक कार्यक्रमबीच विद्यालयका प्रधानाध्यापक पवन मण्डललाई “स्टीम” अर्थात साईन्स, टेक्नोलोजी, ईन्जिनीयरिँग, आर्ट र म्याथ सम्बन्धी प्राविधिक उपकरणहरु सहयोग गरिएको हो ।

बुधबार एक कार्यक्रमबीच विज्ञान, टेक्नोलोजी, ईन्जिनियरिग, कला र गणित संग सम्बन्धित उपकरणहरु जनता नमुना प्राविधिक माध्यमिक विद्यायय गिद्धाबेलापट्टीलाई हस्तान्तरण गरिएको हो ।

विदेह नगरपालिका वडा नं. ६ का वडाध्यक्ष जयराम मण्डलले एक औपचारीक कार्यक्रम विच उक्त विद्यालयका प्रधानाध्यापक पवन कुमार मण्डललाई सो समाग्री हस्तान्तरण गरेका हुन ।

उक्त सामग्रीहरुमा ४१ किसिमका उपकरणहरु रहेको आसमान नेपालका विजय साहले जानकारी दिए ।

“अब यस विद्यालयमा STEAM LAB संचालनमा आउछ । विद्यार्थीहरु कक्षाकोठामा अध्ययनको क्रममा कुनै किसिमको प्रोजेक्ट बनाउनु LAB मा भएको औजारहरुको माध्यमले विद्यार्थीहरुको सिकाईलाई ठोस धारणामा परिणत गर्न यसले ठुलो मदत पुग्दछ ।  प्लान इन्टरनेशनल नेपालको आर्थिक तथा प्राविधिक सहयोग तथा आसमान नेपाल द्धारा संचालित सिकाइ परियोजना अन्तगरगत यो क्रियाकलाप संचालन गरिएको छ । ” उनले भने ।

त्यसको साथ, उक्त सामग्रीहरुलाई कसरी प्रयोग गर्ने त्यस सम्बन्धमा कक्षा ६ देखि कक्षा १० कक्षाका २० जना ( विज्ञान, गणित तथा कम्पुटर )  शिक्षकहरुको लागि  २ दिने कार्याशाला समेत आयोजना गरी प्रत्येक सामग्रीहरुको प्रयोग गर्ने तरिका बारेमा जानकारी गराइएको हो ।

ल्याबमा विद्यार्थीहरुलाई कसरी सहभागी गराउने त्यसबारेमा स्थालगत अभ्यास गराउँदै प्रविधिको पहुँच र उपकरण प्रयोगबारे जानकारी प्रदान गरिएको हो ।

यसका साथै स्टिम क्लब गठन गरी उक्त क्लबका बालबालिकाहरुलाई कक्षा ६ देखि १० सम्मका १५ जना (६ जना छात्र र ९ जना छात्रा) लाई २ दिने कार्याशाला (२ देखि ३ मेई २०२३) आयोजना गरि उक्त सामग्रीहरुको बारेमा अभिमुखिकरण गरिएको हो ।

अभिमुखिकरणको क्रममा उपलब्ध गराएका सामग्रीहरुको बारेमा जानकारी गराइ अभ्यास पनि गरेर देखाइयो । साथै शिक्षक तथा प्रशिक्षकको उपस्थितीमा अभ्यास गर्न लगाइएको थियो ।

• संसद विघटन