July 16, 2024 | मङ्लबार, असार ३२, २०८१
सुचनाहरु
संघीय संसद्का दुवै सदनको बैठक बस्दै अर्जेन्टिनाले जित्यो कोपा अमेरिकाको उपाधि सुनको मूल्य अहिलेसम्मकै उच्च प्रधानमन्त्री ओलीको क्याविनेटमा को को बने मंत्री ? प्रधानमन्त्री ओलीलाई भारतीय प्रधानमन्त्री मोदीको बधाई कोशीमा सरकार पुनर्गठनको तयारी कोकिनसहित विदेशी महिला पक्राउ मुकुल ढकाललाई स्वर्णिम वाग्लेको सचिवालयबाट धम्की कोशी, बागमती र गण्डकी प्रदेशका केही स्थानमा भारी वर्षा हुने पशुपतिनाथमा बृहत् कोटीहोम महायज्ञ आयोजना हुँदै आज देशको ४५औँ प्रधानमन्त्री बन्दै एमाले अध्यक्ष केपी शर्मा ओली युरोकपको फाइनल आज, स्पेन र इङ्ल्याण्ड भिड्दै राष्ट्रिय परिचयपत्र लागू गर्ने निर्णयबाट पछि हट्यो सरकार गौतमबुद्ध अन्तर्राष्ट्रिय विमानस्थलमा अवतरणका क्रममा बुद्धएयरको जहाज चिप्लियो प्रधानमन्त्री पुष्पकमल दाहाल ‘प्रचण्ड’ले आज विश्वासको मत लिँदै बेपत्ता यात्रुको खोजी तथा उद्धार गर्न प्रधानमन्त्री दाहालको निर्देशन बालेनसँग श्रीलंकाका राजदूत पाथिरानाको शिष्टाचार भेट अठार महिनामा पाँचौँपटक विश्वासको मत लिँदै प्रधानमन्त्री ४३ जिल्ला वर्षाको उच्च जोखिम, आवश्यक पूर्वतयारी गर्न आह्वान कोलम्बिया कोपा अमेरिका कपको फाइनलमा

जेष्ठनागरिकलाई भत्ता लिन सास्ती

  • साझा परिवेश
  • शनिबार, बैशाख २३, २०८० 0८:0९
जेष्ठनागरिकलाई भत्ता लिन सास्ती

 

सर्लाही । लालबन्दी नगरपालिकाका जेष्ठनागरिकले सामाजिक सुरक्षा भत्ता लिन धेरै सास्ती खेप्नु परेको छ। भत्ता लिनकै लागि बिहान ८ बजेदेखि नै बैङ्कमा आएर लाइन बस्नु परेको भन्दै कतिपय जेष्ठनागरिकले गुनासो गर्नुभएको छ।

लालबन्दी नगरपालिका–१६, परवानीपुरकी ९० वर्षीया शिवमाया बस्नेतले सामाजिक सुरक्षा भत्ता लिन बिहीबार बिहान ८ बजेदेखि नै लालबन्दीस्थित सिद्धार्थ बैङ्कको शाखामा आएर लाइन बसेको बताउनुभयो। भत्ता बुझ्नका लागि बस्नेतससहित परवानीपुरका छ जना वृद्धा टेप्पु चढेर बिहान ८ बजे नै लालबन्दी आइपुग्नुभएको भेटिनुभयो। बैङ्क खुलेपछि पनि झरीमा भिज्दै बैङ्कमा लाइन बस्नेहरूको ठूलो भीड देखिन्थ्यो।

जेष्ठनागरिकले प्रत्येक पटक भत्ता निकासा हुँदा घामपानी नभनी यसैगरी लाइनमा बसेर भत्ता बुझ्दै आएका छन्। त्यसरी लाइनमा बस्दा जेष्ठनागरिक थप बिरामी नै पर्ने अवस्था छ। शिवमायासँगै भत्ता बुझ्न आउनुभएकी ७४ वर्षीया सावित्रा कार्कीले वृद्धभत्ता कटौती हुने हल्ला सुनेर पनि आफूहरू हतारहतार भत्ता बुझ्न आएको बताउनुभयो। “हामी प्रायः यसैगरी लाइनमै बसेर भत्ता बुझ्छौँ, अहिले त झन् भत्ता दिँदैन अरे भन्ने सुनेर सबै जना हतारहतारमा आएका हौँ,” उहाँले भन्नुभयो, “अलि सहज रूपमा भत्ता पाउन पाए हुन्थ्यो, यसरी घण्टौँ लाइनमा बस्दा हामी बूढाबूढीलाई धेरै गाह्रो हुन्छ।”

लालबन्दी नगरपालिका–१६ का वडा सचिव विष्णु गौतमले रकम निकासा हुनासाथ बैङ्कमा एकैसाथ सबै जेष्ठनागरिक पुग्दा समस्या हुने गरेको बताउनुभयो। धेरै भीड हुन थालेपछि जेष्ठनागरिकलाई उभिन गाह्रो पर्ने र बैङ्कलाई पनि सेवा दिन अप्ठ्यारो परेपछि बैङ्कको आग्रहमा वडा कार्यालयबाटै एक दिनमा ५० जनालाई मात्रै टोकन दिएर पठाउने गरिएको वडा सचिव गौतमले बताउनुभयो।

“वडाबाटै भत्ता बाँड्न सरकारले स्वीकृत दिँदैन्, त्यसका लागि बैङ्कसमेत तयार छैन्,” गौतमले भन्नुभयो, “भत्ता खातामा हालेपछि हामीले साबिकको वडाअनुसार दैनिक ५० वटा टोकन बाँड्छौँ तर तुरुन्त पैसा निकाल्न भन्दै एकै पटक सबै जना पुग्दा यस्तो समस्या भएको हो।” अब भत्ता नै काटौती गर्न लागेको छ भन्ने गलत हल्ला फिँजाइदिँदा खातामा जम्मा भएको पैसा निकाली हालौ भन्नेहरूको भीड लागेको उहाँको भनाइ छ।

वडा नं. १६ को वडा कार्यालयले इच्छुक जेष्ठनागरिकबट मञ्जुरीपत्र लिएर उहाँहरूको छोरा÷बुहारीलगायत परिवारका अन्य सदस्यले समेत भत्ता बुझ्ने व्यवस्था मिलाइएको जनाएको छ। लालबन्दी नगरपालिकाले १७ वटा वडाको लालबन्दी बजार क्षेत्रमा रहेका १४ वटा बैङ्क तथा वित्तीय संस्थाका शाखाबाट भत्ता बाँड्दै आएको छ।

सिद्धार्थ बैङ्कमा वडा नं. १५, १६ र १७ गरी तीनवटा वडाको भत्ता पठाउँदा धेरै नै भीड भएपछि यो किस्तादेखि वडा नं. १७ रानीगञ्जको सामाजिक सुरक्षा भत्ता कुमारी बैङ्कबाट बाँड्न थालिएको लालबन्दी नगरपालिका पञ्जीकरण शाखाकी प्रमुख सुस्मिता गौतमले बताउनुभयो। लालबन्दी नगरपालिकाको दुर्गम भेगमा पर्ने वडा नं. १४ नारायण खोला र वडा नं. १५ परवानीपुरको माथिल्लो भेगका बासिन्दाले घण्टौँ धाएर लालबन्दी बजारसम्म आउनुपर्ने र त्यहीँमाथि लाइनमा बस्नुपर्दा सामाजिक सुरक्षा भत्ता लिन गाह्रो भइरहेको गुनासो गरेका छन्।

  • साझा परिवेश
  • शनिबार, बैशाख २३, २०८० 0८:0९

प्रतिक्रिया

तपाइको प्रतिक्रिया दिनुहोस्