२ जनाको मृत्यु सेनिटाइजर जस्तै देखिने तरल पदार्थ खाँदा, २ जना गम्भीर बिरामी
साझा परिवेश
शनिबार, असार ९, २०८० ११:१८
तरल पदार्थ सेवन गर्दा दुई जनाको मृत्यु
मृत्यु हुनेमा ७० वर्षीया गौरी रजनी र ४० वर्षीया कमला सुनार रहेको
घटनाका बारेमा अनुसन्धान भइरहेको
बर्दिया ।।
बर्दियाको मधुवन नगरपालिका-८ टिसियन फाँटामा ‘सेनिटाइजर’जस्तो देखिने तरल पदार्थ सेवन गर्दा दुई जनाको मृत्यु भएको छ ।
मृत्यु हुनेमा ७० वर्षीया गौरी रजनी र ४० वर्षीया कमला सुनार रहेको जिल्ला प्रहरी कार्यालय बर्दियाका प्रहरी नायब उपरीक्षक (डीएसपी) हिक्मतबहादुर बोहराले जानकारी दिए ।
साथै तरल पदार्थ सेवन गरेका एकै परिवारका ७५ वर्षीय जयबहादुर र ७५ वर्षीया जगतकुमारी गुरुङ गम्भीर बिरामी परेका छन् । उनीहरुलाई शुक्रबार राति नै उपचारका लागि नेपालगञ्ज पठाइएको प्रहरीले जनाएको छ ।
घटनाका बारेमा अनुसन्धान भइरहेको डीएसपी बोहराले बताए ।
