मुख्य योजनाकार निरज प्रधान पुर्पक्षका लागि जेल चलान
अन्य कर्मचारीहरु भने धरौटीमा छुटे
मुद्धा अझै सकिएको छैन
एभरेष्ट बैंकमा रहेको ग्राहकको करोडौं रकम चोरी भएको थियो
काठमाडौँ ।।
एभरेष्ट बैंकबाट ग्राहकको पैसा चोरी गरेको प्रकरणमा पक्राउ परेकाहरुमध्ये घटनाका मुख्य योजनाकार निरज प्रधान पुर्पक्षका लागि जेल चलान भएका छन् । जिल्ला अदालत सुनसरीले उनलाई पुर्पक्षका लागि जेल चलान गर्ने फैसला सुनाएसँगै उनी जेल चलान भएका हुन् ।
पक्राउ परेका अन्य कर्मचारीहरु भने धरौटीमा छुटेका छन् । यो मुद्धा अझै सकिएको भने छैन । मुद्धा किनारा लाग्न अझै केहि समय लाग्नेछ ।
बैंकले कनेक्ट आईपीएस प्रयोग हुने कम्प्युटर र भेरिफाई गर्ने कम्प्युटरको युजर र पासवर्डलाई जसले पनि प्रयोग गर्न मिल्ने गरी राख्न दिएर बैंकले चरम लापरवाही गर्दा एभरेष्ट बैंकमा रहेको ग्राहकको करोडौं रकम चोरी भएको थियो ।
बैंकले आन्तरिक अनुसन्धान गर्दा आफ्नै कर्मचारी निरज प्रधानले ग्राहकको खाताबाट पैसा चोरेको पाइएपछी प्रधानलाई प्रहरीको जिम्मा लगाएको थियो । तर प्रधानले अन्य कर्मचारीको पनि नाम बयानका क्रममा लिएपछि प्रहरीले अन्य कर्मचारीहरुलाई पनि पक्राउ गरेको थियो ।
अन्ततः अदालतले अन्यलाई धरौटीमा छोड्ने र प्रधानलाई पुर्पक्षका लागि जेल चलान गर्ने फैसला सुनाएसँगै प्रधान जेल चलान भएका हुन् ।
