कोसी प्रदेश सरकारविरुद्धको रिटको सुनुवाइ माथेमाको इजलासमा
संविधानविपरीत सरकार गठन भएकोमा हिक्मतकुमार कार्कीको रिट दायर
काठमाडौं ।।
कोसी प्रदेश सरकारविरुद्धको रिटको सुनुवाइ आज सर्वोच्च अदालतका न्यायाधीश सुष्मालता माथेमाको इजलासमा तोकिएको छ । गएको बिहीबार सभामुख समेतलाई जोडेर सरकार गठन गरिएपछि नेकपा (एमाले) का तर्फबाट रिट दायर गरिएको थियो । कोसीका निर्वतमान मुख्यमन्त्री तथा एमाले संसदीय दलका नेता हिक्मतकुमार कार्कीले संविधानविपरीत सरकार गठन भएको भन्दै रिट दायर गरेका हुन् ।
रिटमा हालै नियुक्त भएका मुख्यमन्त्री उद्धव थापा, प्रदेश प्रमुख पर्शुराम खापुङ र प्रदेश सभामुख बाबुराम गौतमलाई विपक्षी बनाइएको छ ।आइतबार रिटमा प्रारम्भिक सुनुवाइको पेसी न्यायाधीश डा आनन्दमोहन भट्टराईको इजलासमा परेको थियो । उक्त पेसी हेर्न नभ्याइने भन्दै स्थगीत भएपछि, आज पुनः पेसी तोकिएको हो ।
