गुठीको समस्यामा सरकारको ध्यान जाओस् : सांसद बास्कोटा
साझा परिवेश
आइतवार, असार ३१, २०८० १५:४१
गुठी समस्याको समाधानका लागि सरकारको ध्यानाकर्षण हुनुपर्यो
सिन्धुपाल्चोक, काभ्रे लगायतका क्षेत्रमा गुठी समस्या
काठमाडौं ।।
नेकपा एमालेका सांसद गोकुल प्रसाद बास्कोटाले गुठी समस्याको समाधानका लागि सरकारको ध्यानाकर्षण गरेका छन् । आइतबार प्रतिनिधिसभामा आकस्म्कि समय लिएर उनले भने, ‘हामी समाजवादी हो भन्छौं किसानलाई न्याय दिन्छौं भन्छौं ।
जसले जमिन जोतिरहको छ । उनीहरुको नाममा दर्ता हुन सकेको छैन ।’ सिन्धुपाल्चोक, काभ्रे लगायतका क्षेत्रमा समेत गुठी समस्या रहेको उनले बताए ।
‘आधा सिन्धुपाल्चोक गुठी समस्याले पीडित छ । काभ्रेको मेरै जिल्ला सिपाघाटमा त्यही छ । बजार बसिसक्यो’ उनी भन्छन्, ‘मान्छेले विजुलीको घरको नक्सा पास हुँदैन तर घर बनाउँछ ।’ अन्यत्र पनि गुठी समस्या रहेको उनले बताए ।
‘चण्डेश्वरी बनेपाको बजारमा त्यस्तै छ । पलाञ्चोक भगवतिमा २५ सय बढी मान्छेहरुको जमिन उनका नाममा छैनन । तर जमिन कमाइरहेका छन् । यो समस्याको समाधान होस्’ एमाले सांसद बास्कोटाले भने ।
