अदालत अवहेलनाको आरोप लागेकालाई सर्वोच्चले दियो क्षमादान
साझा परिवेश
आइतवार, साउन १४, २०८० १५:४0
दानबहादुर कार्की र रमेशकुमार बस्नेतलाई अदालतको अवहेलनाको आरोपबाट क्षमादान
उनीहरुलाई १५ दिन कैद र ५ हजार जरिवानाको कैद प्रस्तावमा
कैद र जरिवाना दुवै मिनाहा हुनसक्ने सर्वोच्च आदेश
काठमाडौं ।।
सर्वोच्च अदालतले जिल्ला प्रहरी परिसर काठमाडौंका प्रमुख एवं एसएसपी दानबहादुर कार्की र अर्का एसपी रमेशकुमार बस्नेतलाई अदालतको अवहेलनाको आरोपबाट क्षमादान दिएको छ ।
१२ वर्ष अघि तत्कालीन पुनरावेदन अदालत पाटनले गरेको फैसला कार्यान्वयन नगरेको भनी सर्वोच्च अदालतले उनीहरुलाई १५ दिन कैद र ५ हजार जरिवानाको कैद प्रस्ताव गरेको थियो ।
फैसला कार्यान्वयन गरेमा प्रस्ताव गरेको कैद र जरिवाना मिनाहा हुनसक्ने भनी सर्वोच्च अदालतले गत ११ फागुन, २०७९ मा आदेश गरेको थियो ।
आदेश अनुसार जाहेरीको अनुसन्धान गरी सरकारी कागजात किर्तेमा मुद्दा नचल्ने निर्णय गरेपछि न्यायाधीश ईश्वरप्रसाद खतिवडा र डा. कुमार चुडालको इजलासले उनीहरुलाई क्षमादान दिएको हो ।
