दिदी र बहिनीको घर जान्छु भनेर हिंडेका धनकाजी घर फर्केनन्
साझा परिवेश
शुक्रबार, भदौ १, २०८० ११:५५
मकवानपुरको राक्सिराङमा खोलाले बगाएर मृत्यु
४८ वर्षीय धनकाजी प्रजालाई खोलाले बगायो
दिदी र बहिनीको घर जान्छु भनेर गएका फर्केनन्
मकवानपुर ।।
मकवानपुरको राक्सिराङमा एकजनाको खोलाले बगाएर मृत्यु भएको छ । राप्ती नगरपालिका-१२ दुङथली बस्ने ४८ वर्षीय धनकाजी प्रजाको मृत्यु भएको गाउँपालिका अध्यक्ष राजकुमार मल्लले बताए ।
राक्सिराङ-७ काँकडा र चितवनको राप्ती नगरपालिकाको सिमाना हुँदै बग्ने स्थानीय रेउतीखोलामा प्रजाको शव भेट्टिएको हो । खोला तर्दा प्रजालाई बगाएको अनुमान गरिएको राक्सिराङ-७ का वडाध्यक्ष रामबहादुर प्रजाले बताए ।
‘मेरो भिनाजु नाता पर्नुहुन्छ, मङ्गलबार साँझ उहाँ काँकडामा हुने दिदी र बहिनीको घर जान्छु भनी खाजा खाने होटलबाट निस्कनुभएको थियो’, वडाध्यक्ष प्रजाले बताए । बुधबार बिहान रेउती खोलामा स्थानीयवासीले शव भेटेपछि प्रहरीमा खबर गरिएको वडाध्यक्ष प्रजाले भने ।
