सरकारमाथि मुद्दा हाल्ने कानुनमन्त्री श्रेष्ठको चेतावनी

साझा परिवेश
शुक्रबार, भदौ २९, २०८० १६:१९

प्रहरी समायोजनको विषयलाई लिएर संघीय सरकारमाथि मुद्दा हाल्न सक्ने
प्रहरी समायोजन नहुने भएपछि सरकारविरुद्ध सर्वाेच्च अदालतमा मुद्दा हाल्ने

काठमाडौं ।।

वाग्मती प्रदेश सरकारका प्रवक्ता एवम् आन्तरिक मामिला तथा कानुनमन्त्री गंगानारायण श्रेष्ठले प्रहरी समायोजनको विषयलाई लिएर संघीय सरकारमाथि मुद्दा हाल्ने चेतावनी दिएका छन् ।

शुक्रबार मकवानपुरको पदमपोखरी प्रहरी चौकीको उद्घाटन गर्दै सरकारले तोकेको समयमा प्रहरी समायोजन नहुने भएपछि सरकारविरुद्ध सर्वाेच्च अदालतमा मुद्दा हाल्ने चेतावनी पनि दिएका हुन् । सरकारले २०८० भाद्र मसान्तसम्म प्रहरी समायोजन सम्पन्न गर्ने भनि गरेको प्रतिबद्धता जनाएको थियो ।

काठमाडौं । वाग्मती प्रदेश सरकारका प्रवक्ता एवम् आन्तरिक मामिला तथा कानुनमन्त्री गंगानारायण श्रेष्ठले प्रहरी समायोजनको विषयलाई लिएर संघीय सरकारमाथि मुद्दा हाल्ने चेतावनी दिएका छन् ।

मन्त्री श्रेष्ठले वाग्मती प्रदेशका प्रहरीहरूलाई अत्याधुनिक उपकरणले युक्त प्रविधिमैत्री बनाउँदै लैजाने बताए । “हाम्रो देशका प्रहरीहरूलाई नागरिकमैत्री बनाउने कुरामा लागिरहेका छौँ । तर, एउटा हातले मात्र ताली बज्दैन । नागरिकहरू पनि प्रहरीमैत्री बन्न सक्नुपर्छ,” उनले भने ।