November 21, 2024 | बिहिबार, मंसिर ६, २०८१
सुचनाहरु
अदालतको आदेशलाई महानगरको निर्णय भनि जनता माझ भ्रम नछर्नु- बालेन सरकारले संविधान दिवशको अवसरमा नेसनल डे कन्सर्ट गर्ने प्रधानमन्त्रीलाई एमाले काठमाडौँद्वारा ध्यानाकर्षण माओवादी केन्द्र भद्रपुरमा हंशधर राजवंशीको नेतृत्वमा नयाँ कार्य समिति चयन सुनको मुल्य घट्यो , कतिमा हुदैछ कारोवार ? साफ यु–२०: भुटानलाई हराउँदै नेपाल फाइनलमा चरित्रहत्या गरेको भन्दै दुर्गा प्रसाईंविरुद्ध ज्वाला संग्रौलाले दिइन् साइबर व्युरोमा उजुरी आज श्रीकृष्ण जन्माष्टमी गुन्यु चोली जोगाउन थालिएको मेची–काली यात्रा समापन आजको मौसम : कोशीमा भारी वर्षाको सम्भावना विमानस्थलबाट इन्धन डिपो हटाउन सरकारी निकायबीच मिलेन तालमेल सुनकोसीमा खसेको गाडी निकालियो, अझै तीनजना नदीमै बेपत्ता भत्ता लिन राष्ट्रिय परिचय पत्र नचाहिने सर्वोच्च अदालतको आदेश कोरियामा मृत्यु भएकी इलामकी सोनुको शव नेपाल ल्याइयो नेपाली तीर्थयात्री बोकेको बस बिहारमा दुर्घटना सुनको मूल्य तोलामा १ हजार रुपैयाँ बढ्यो महोत्तरीको बर्दिवास र औरही सिमाना नजिक वडा अध्यक्ष मृत फेला देउवा निवास अगाडि फेला परेको शङ्कास्पद वस्तुभित्र माटो भेटियो झापाको गौरीगञ्जमा आगलागी, दुईवटा घर जलेर नष्ट त्रिशूली नदीमा खस्नबाट जोगियो बस, घाइते १५ जनामध्ये दुईको अवस्था गम्भीर

बालिकालाई सामुहिक बलात्कार गर्ने ४ जना पक्राउ

  • साझा परिवेश
  • आइतवार, अशोज ७, २०८० १५:३६
बालिकालाई सामुहिक बलात्कार गर्ने ४ जना पक्राउ
  • बलात्कार गरेको आरोपमा प्रहरीले चार जनालाई पक्राउ
  • एकै रातमा फरक समयमा फरक फरक व्यक्तिबाट बलात्कृत

सुर्खेत ।।

पश्चिम सुर्खेतकी एक १३ वर्षीया बालिकामाथि बलात्कार गरेको आरोपमा प्रहरीले चार जनालाई पक्राउ गरेको छ । पक्राउ पर्ने सोही क्षेत्रका युवा रहेको र उनीहरु मध्य तीन जना नाबालक रहेको प्रहरीले जनाएको छ । एक जना महेन्द्र सार्की मात्रै १८ वर्ष पुगेका छन्, उनीमाथि बलात्कार प्रयासको आरोप छ । ३ जना नाबालकमाथि भने बलात्कारको आरोप छ। प्रहरीले अनुसन्धान प्रयोजनका लागि ती बालिकाको नाम ‘वीरेन्द्रनगर-२८’ राखेको छ । जिल्ला प्रहरी कार्यालय सुर्खेतका प्रवक्ता प्रहरी नायव उपरीक्षक लक्ष्मण शाहीले ती बालिका एकै रातमा फरक समयमा फरक फरक व्यक्तिबाट बलात्कृत भएको अनुसन्धानबाट खुलेको बताए ।

ती बालिका असोज ४ गते बेलुका छिमेकीको घरमा चलेको नाचगान हेर्न गएकी थिइन् । साँझ ९ बजेतिर पिसाब लागेपछि उनि नजिकैको सडकमा आइन् । प्रहरीका अनुसार बाटोमा सोही ठाउँका १८ वर्षीय महेन्द्र सार्कीले उनको मुख छोप्दै जवरजस्ती करणी गर्न खोजे । त्यसोे गर्दा उनी कराइन । महेन्द्रले विभिन्न प्रलोभन देखाउँदै उनलाई फकाउन खोजे । उनी त्यहाँबाट भोगेर फेरि नाचगान चलेको ठाउँमा गइन् ।

राती ११ बजिसकेको थियो । नाचगान सकिएर सबै आ-आफनो घरतिर लागे । ती बालिकाले चिनेको गाउँकै एक १६ वर्षिया युवाले ‘बहिनी हिड् तिमीलाई घर पुर्याईदिन्छु ’ भन्दै बोलाए । चिनेको दाइले बोलाएपछि ती बालिकाले विश्वास गरिन । ती गाउँका दाईसँग उनका एक १५ वर्षीया साथी पनि थिए ।

घरजाने क्रममा मध्यबाटो पुगेपछि ती गाउँको दाइले त्यहाँ नजिकै आफनो साथीको घर भएको त्यतै सुत्न आग्रह गरे । ‘बालिकाले मानिनछिन्, त्यसपछि उनको मुख छोपेर हातखुट्टा समात्दै साथीको घरमा लगेछन्’, बालिकाको बयान उद्धृत गर्दै डीएसपी शाहीले  भने, ‘…अनि सामुहिक बलात्कार गरेर ती बालिकालाई त्यही छोडेर पसल जान भन्दै निक्लिएछन् ।’

केही समय बालिका अचेत भइन् । होस खुलेपछि उनी नजिकै छिमेकीको गाई गोठको माथिल्लो तलामा गइन् । ‘त्यो महिनावारी भएकाबेला सुत्ने छाउ गोठ रहेछ । ती बालिका त्यही सुतिछन् । त्यसको एक घण्टापछि उनी पुनः बलात्कृत भइछन्’ डीएसपी शाहीले भने ।

गोठमा सुतेको एक घण्टापछि उनलाई उठाउन चिनेजानेकै १५ वर्षीय अर्का किशोर आए । उनले ‘तिम्रो घरकाले खोजिरहेका छन् । छिटो आउ अरे । नभए यतै आएर पिट्ने भनेका छन’ भन्दै बोलाए । उनलाई फेरि बलात्कार गर्ने योजनाका साथ बोलाइएको अनुसन्धानबाट खुलेको प्रहरीले जनाएको छ ।

उनी बाहिर निस्कँदा नजिकै अर्का १६ वर्षीय किशोर बसेका रहेछन् । उनको जिम्मा लगाएर बोलाउन गएका किशोर गए । रातिको २ बजे ती १६ वर्षीया किशोरले पनि गोठमा लगेर बलात्कार गरेका प्रहरीको दाबी । यसरी केही घण्टाको फरकमा फरक-फरक व्यक्ति र स्थानमा एकै रात तीन जनाबाट बलात्कृत र एक जनाबाट बलात्कारको प्रयास भएको प्रहरीले जनाएको छ । बिहान पख ११ बजे मात्रै उनी घर पुगिन् र सबैकुरा परिवारलाई भनिन् ।

परिवारले दिउँसो २ बजे प्रहरीलाई खबर गरेपछि ती युवकहरुलाई पक्राउ गरिएको डीएसपी शाहीले बताए । प्रहरीका अनुसार पक्राउ परेका ती यूवाहरु सबैले एकअर्कालाई नचिन्ने बयान दिएका छन् । ‘फरक-फरक ठाउँमा तीन जनाले बलात्कार गरेको, एक जनाले बलात्कार प्रयास गरेको आरोपीहरूले स्वीकारेका छन्,’ डीएसपी शाहीले भने । ती बालिका शारीरिक र मानसिक रूपमा बिछिप्त भएको र उनको उपचार भै रहेको प्रहरीले जनाएको छ ।

  • साझा परिवेश
  • आइतवार, अशोज ७, २०८० १५:३६

प्रतिक्रिया

तपाइको प्रतिक्रिया दिनुहोस्