वार्ताको समय सुरु भएपनि बालेन र ईः दुवै बसेका छैनन्
साझा परिवेश
मङ्लबार, अशोज ९, २०८० १४:५२
अभियन्ता ईः का प्रतिनिधिबीच काठमाडौंमा वार्ता सुरु
मेयर बालेन शाह र अभियन्ता ईः दुवै बसेका छैनन्
दुवैतर्फका प्रतिनिधि वार्तामा सहभागी भए
काठमाडौं ।।
काठमाडौं महानगरपालिका र सामाजिक अभियन्ता ईः का प्रतिनिधिबीच काठमाडौंमा वार्ता सुरु भएको छ । काठमाडौं महानगरपालिकाको कार्यालयमा वार्ता सुरु भएको हो । वार्तामा काठमाडौं महानगरपालिकाका मेयर बालेन शाह र अभियन्ता ईः दुवै बसेका छैनन् ।
दुवैतर्फका प्रतिनिधि वार्तामा सहभागी भएका छन् । आठ दिनदेखि काठमाडौं महानगरपालिकाको गेटमा उभिइरहेका ईःको पक्षमा समर्थन बढ्दै गएपछि महानगर वार्ताको लागि तयार भएको हो । यसअघि मंगलबार नै उपमेयर सुनीता डंगोलले अभियन्ता ईः लाई भेट्न पुगेकी थिइन्।
