२ लाखभन्दा बढि नगदसहित कावासोतीबाट ८ जुवाडे पक्राउ
साझा परिवेश
बिहिबार, अशोज ११, २०८० १२:३0
कावासोतीमा तास खेलिरहेका ८ जना नगद २ लाख २९ हजार सहित पक्राउ
नवलपुर । पूर्वी नवलपरासीको कावासोतीमा तास खेलिरहेका ८ जना नगद २ लाख २९ हजार सहित पक्राउ परेका छन् । जिल्ला प्रहरी कार्यालय नवलपुरका अनुसार कावासोती २ मालपोत चोकमा गोविन्द न्यौपानेको घर तास खेलिरहेका ८ जनालाई गए राति पक्राउ गरेको हो ।
पक्राउ पर्नेमा कावासोती २ निवासी ४२ बर्षीय सुन्दर श्रेष्ठ, कावासोती ३ निवासी ३८ बर्षीय श्याम भट्टराई, कावासोती –११ निवासी ३९ बर्षीय ज्ञानेन्द्र महतो, कावासोती २ निवासी २८ बर्षीय नारायण उपाध्याय, कावासोती २ निवासी ३९ बर्षीय गोविन्द शर्मा न्यौपाने, कावासोती ३ निवासी ४८ बर्षीय दानबहादुर सिंजाली, कावासोती २ निवासी ४० बर्षीय खिम लामिछाने र कावासोती ३ निवासी ४२ बर्षीय फडेन्द्र भण्डारी रहेका छन् ।
उनीहरूको साथबाट प्रहरीले नगद २ लाख २९ हजार ७० रूपैयाँ, खेलिरहेको अवस्थाको तास २ सय ८८ पत्ता र बन्द रहेको ७ गड्ठी तास बरामद गरेको छ । उनीहरूलाई आवश्यक कारवाही अगाडि बढाईएको प्रहरीले जनाएको छ ।
