एसियाली खेलकुद : नेपाली पब्जी टोली सेमिफाइनलमा प्रवेश
साझा परिवेश
शुक्रबार, अशोज १२, २०८० १४:४६
१९ औं एसियाली खेलकुदमा नेपाली टोली पिस एलिट एसिया गेम्स (पब्जी) को सेमिफाइनलमा प्रवेश
चीनको हाङ्जाओमा जारी १९ औं एसियाली खेलकुदमा नेपाली टोली पिस एलिट एसिया गेम्स (पब्जी) को सेमिफाइनलमा प्रवेश गरेको छ ।
शुक्रबार भएको क्वार्टरफाइनलको समूह ‘सी’मा नेपाल शीर्ष दुई स्थानमा रहँदै सेमिफाइनलमा पुगेको हो। नेपाल रहेको समूहबाट हङकङ समूह विजेता बन्दै अन्तिम चारमा पुगेको छ ।
वरियताका आधारमा सिधै क्वार्टरफाइनलमा स्थान बनाएको नेपालले प्यालेस्टाइनलाई हराएको थियो ।
नेपालले भोलि शनिबार हुने सेमिफाइनलमा अन्य चार टोलीसँग समूहमा प्रतिस्पर्धा गर्नेछ । सेमिफाइनलमा दुवै समूह खेल शनिबार हुनेछ । सेमिफाइनलमा शीर्ष दुईमा स्थान बनाए फाइनलमा पुग्दै पदक जित्नेछ ।
नेपाली टोलीमा सुविन महर्जन (कप्तान), दीपेश गुरुङ, सागर भण्डारी, समीर गुरुङ र संगिन भट्टराई छन् । टिम व्यवस्थापकमा भिक्टर पौडेल छन् ।
