सुनसरीमा जिल्ला स्तरीय अन्तर विद्यालय मा.वि. तह हाजिरी जवाफ प्रतियोगिता सम्पन्न ।

जिल्ला स्तरीय अन्तर विद्यालय मा.वि. तह (रनिङ सिल्ड ) हाजिरी जवाफ प्रतियोगिता सम्पन्न

गंगाराम मण्डल इनरुवा ।

कोशी प्रदेशको सुनसरीमा जिल्ला स्तरीय अन्तर विद्यालय मा.वि. तह (रनिङ सिल्ड ) हाजिरी जवाफ प्रतियोगिता सम्पन्न भएको छ ।

निजी तथा आवासीय विद्यालय अर्गनाईजेसन नेपाल (प्याब्सन) जिल्ला कार्यसमिति सुनसरीको आयोजना तथा नगर प्याब्सन इटहरीको संयोजनमा असोज १२ गते शुक्रबार इटहरी स्थित लायन्स क्लबको सभाहलमा उक्त प्रतियोगिता सम्पन्न भएको हो ।

उक्त प्रतियोगितामा पशुपति इङलिस बो. स्कूल इटहरी-२ ले सान्त्वना, जय सप्तकोशी इङलिस एकेडेमी बराहा-१० ले तेस्रो , द मार्टर इङ्गलिस स्कुल इनरुवा-३ ले द्वितीय स्थान हुन सफल भएको थियो भने लिटिल फ्लावर सेकेन्डरी स्कुल इटहरी-५ ले सबै भन्दा बढी अंक प्राप्त गरि प्रथम स्थान प्राप्त गरेर रनिङ सिल्ड हात पार्न सफल भएको छ ।
प्याब्सन सुनसरी तथा इटहरीका अध्यक्ष अनुप याेञ्जन र पुन्य प्रसाद सापकोटाले प्रतियोगितामा प्रथम,दोस्रो,तेस्रो र सान्त्वना भएका विद्यार्थीहरूलाई सिल्ड,मेडल र प्रमाण–पत्र प्रदान गर्नुभएको थियो ।

प्रतियोगितामा सुनसरी जिल्ला भरीका प्याब्सन आवद्ध १७ वटा निजी विद्यालयका विद्यार्थीहरुको सहभागिता रहेको जिल्ला प्याब्सन सुनसरीका सचिव गणेश भण्डारीले जानकारी दिनुभयो ।

उक्त प्रतियोगिताका प्रमुख अतिथि इटहरी उप-महानगरपालिका शिक्षा, युवा तथा खेलकुद शाखाका शाखा प्रमुख फाल्गुनि प्र. काफ्ले थिए भने कार्यक्रमको अध्यक्षता जिल्ला प्याब्सन सुनसरीका अध्यक्ष अनुप याेञ्जनले गर्नुभएको थियो ।

• संसद विघटन