भक्तपुरको दुवाकोटमा नेक इन्जेनियम प्रदर्शनी २०२३ हुने

भक्तपुरमा नेक इन्जेनियम २०२३ प्रदर्शनी हुने

भक्तपुर, १५ असोज । भक्तपुरमा नेक इन्जेनियम २०२३ प्रदर्शनी हुने भएको छ । भक्तपुरको दुवाकोट चाँगुनारायणमा रहेको नेपाल इन्जिनियरिङ कलेजले असोज १८ गते विहीबार (अक्टोबर ५, २०२३) मा भव्य प्रदर्शनी गर्न लागेको हो ।

प्रदर्शनी संयोजक एवं कलेजका एसोसिएट प्रोफेसर विजय श्रेष्ठले प्रदर्शनीको क्रममा विविध प्रतियोगिता र पुरस्कार वितरण समारोहसमेत हुने जनाए ।

उनका अनुसार प्रदर्शनीमा ब्याच वाइज प्रोजेक्ट प्रतियोगिता, ओपन प्रोजेक्ट प्रतियोगिता, पोस्टर डिस्प्ले प्रतियोगिता, रोबोटिक्स प्रतियोगिता, पेपर ब्रिज डिजाइन प्रतियोगिता, फास्टेस्ट कोडिङ प्रतियोगिता र ओपन साइन्ससहित विभिन्न प्रकारका प्रतियोगिताहरू हुने छन् ।

दस जोड दुईका विद्यार्थीहरूको लागि परियोजना प्रतियोगितासमेत हुने उनले जनाए । यस कार्यक्रमलाई अझ रोमाञ्चक बनाउन विजेताहरूको लागि पुरस्कारको व्यवस्था रहेको उनले सुनाए । असाधारण प्रतिभा र रचनात्मकता प्रदर्शन गर्नेहरूलाई भव्य पुरस्कारहरूको व्यवस्था रहेको उनको भनाई थियो ।

प्रदर्शनीमा समावेशी प्लेटफर्म पनि हुने जनाइएको छ । यस अन्तर्गत सात विधाहरू नेपाल इन्जिनियरिङ कलेजका विद्यार्थीहरूका लागि मात्र हुने र उनीहरूले समावेशीतालाई बढावा दिन र युवा दिमागलाई विज्ञान र नवप्रवर्तनको संसार अन्वेषण गर्न प्रोत्साहित गर्दै दस जोड दुईका विद्यार्थीहरूका लागि खुला विज्ञान परियोजना प्रतियोगिता हुने जनाइएको छ ।

‘यो प्रदर्शनी प्रतिभा प्रस्फुटन मात्र होइन; यो इन्जिनियरहरू, आविष्कारकहरू र समस्या समाधानकर्ताहरूको भावी पुस्तालाई उनीहरूको कडा परिश्रमको इनाम दिँदै प्रेरणा दिनेबारे हो, प्रदर्शनी संयोजक श्रेष्ठले थपे, चाहे तपाईं विद्यार्थी, शिक्षक वा प्राविधिक नै किन नहोस् सवैका लागि नेटवर्किङका अवसरहरू र अत्याधुनिक परियोजनाहरू र डिजाइनहरू हेर्ने मौकाले भरिएको हुने हामी प्रतिज्ञा गर्दछौ ।’

प्रदर्शनीमा सामेल भई भव्य पुरस्कार जित्ने र युवा दिमागको अविश्वसनीय क्षमताको साक्षी बन्न नछुटाउन आयोजकले आग्रह गरेको छ । यो असाधारण प्रतिभालाई पुरस्कृत गर्दै नवीनता र उत्कृष्टता मनाउने कार्यक्रमको हिस्सा बन्ने अनुपम अवसर हो, उनको भनाई छ ।

प्रदर्शनी विशेषतासहितको नवप्रवर्तन, प्रतिभा र सहकार्यको उत्सव हुने विश्वास आयोजकको हो “विचारलाई यथार्थमा रूपान्तरण गर्दै“ भन्ने नाराका साथ प्रदर्शनी र प्रतियोगिताहरू हुन लागेको जनाएको छ ।

नेपालभरका कलेज र संस्थाहरूका विद्यार्थी, शिक्षक र प्राविधिक उत्साहीहरूलाई आयोजक नेपाल इन्जिनियरिङ कलेजमा प्रेरणा र आविष्कारको दिनमा सामेल हुन हार्दिक निमन्त्रणा गरेको छ ।

प्रदर्शनीका लागि प्रभु बैंक, सिद्धार्थ बैंक, नेपाल इको प्यानललगायतको प्रायोजन रहेको जनाइएको छ । नवप्रवर्तन र शिक्षालाई बढावा दिन प्रायोजकहरुको प्रतिबद्धताले प्रदर्शनीलाई समृद्ध बनाउने र उनीहरूले विजेताहरूलाई दिइने भव्य पुरस्कारहरूमा पनि योगदान पु¥याउने विश्वास आयोजकको छ ।

• संसद विघटन