April 3, 2025 | बिहिबार, चैत्र २१, २०८१
सुचनाहरु
प्रधानमन्त्री ओलीले र भारतीय समकक्षी मोदीलाई थाइल्याण्डमा भेट्दै खानेतेलको मूल्य प्रतिलिटर १५ देखि ४० रुपैयाँसम्म बढ्यो   २५ करोडका मालिकको पहिचान   जडिबुटिमा राजावादी प्रदर्शनकारीको आगजनीले २८ करोडभन्दा बढीको क्षति शिक्षकहरु फेरी उत्रिए राजधानी केन्द्रित आन्दोलनमा तिनकुने प्रदर्शनमा ज्यान गुमाउने सुरेश र सबिनको परीवारलाई  सरकारले १०–१० लाख दिने शिक्षक महासङ्घले आजदेखि काठमाडौं केन्द्रित सडक आन्दोलन गर्दै असार ७ गतेभित्र एसइईको परीक्षाफल आइसक्ने गुजरातको पटाका गोदाममा ठूलो विस्फोट हुदा १७ जनाको गयो ज्यान तीनकुने घटनामा संलग्न २४ जना पनि पक्राउ राजावादिको प्रदर्शनमा ज्यान गुमाएका सबिनको गरियो पोस्टमार्टम  भाटभटेनी लुट्न आउने प्रदर्शनकारीलाई प्रतिकार गर्ने सुरक्षागार्ड तथा अन्य कर्मचारीलाई सम्मान गरीदै जारी अधिवेशनको अन्तिम प्रतिनिधि सभा बैठक आज बस्दै, यस्तो छ कार्यसूची किच्चकबधमा उत्खनन गर्दा भेटियो ‘दरबारको जग’ घट्यो पेट्रोलियम पदार्थको मूल्य, कति पुग्यो? म्यान्मार गएको विनाशकारी भूकम्पमा २ हजार भन्दा बढीले गुमाइसके ज्यान त्रिवि केन्द्रीय क्याम्पसमा नेविसंघका जोशीले ८ मतले मारे बाजी साढे पाँच महिनापछी घण्टी बजाउँदै सभापतिको जिम्मेवारीमा फर्किए रबि लामीछाने प्रदर्शनमा जिउँदै जलाइएका संचारकर्मी सुरेशको परीवारले भेटे प्रधानमन्त्रिलाई प्रधानमन्त्रीले आज संसदमा बोल्दैछन् कुलमान घिसिङको बर्खास्तीबारे

कबड्डी जितेर उल्लासमै सुनिताले हजुरआमा गुमाएको खबर पाएपछि…..

  • साझा परिवेश
  • सोमवार, अशोज १५, २०८० १६:२४
कबड्डी जितेर उल्लासमै सुनिताले हजुरआमा गुमाएको खबर पाएपछि…..
  • खेल जितेर नेपाली टोली उल्लास मनाउँदै गर्दा दु:खको खबर सुन्नुपर्‍यो
  • उनले आफ्नी हजुरआमा बितेको खबर पाइन्
  • डेब्यु खेलमै बंगलादेशलाई हराएर विजयी सुरुवात
  • यस समूहमा नेपालले मंगलबार इरानसँग खेल्ने

 हान्झाउ ।।

१९ औं एसियाली खेलकुद अन्तर्गत  सोमबार नेपाली महिला कबड्डी टिमले पहिलो खेलमा बंगलादेशविरुद्ध ऐतिहासिक जित हात पार्दै पदक जित्ने लगभग पक्का भएको छ । जिओसान ग्वाली स्पोर्ट्स सेन्टरमा समूह बीको खेलमा नेपालले बंगलादेशलाई ३७-२४ ले हराएर कास्य पदकको नजिक पुगेको छ । खेल जितेर नेपाली टोली उल्लास मनाउँदै थियो । त्यही बेला नेपाली टिमकी सदस्य सुनिता थापाले भने दु:खको खबर सुन्नुपर्‍यो । खेल सकिएपछि उनले आफ्नी हजुरआमा बितेको खबर पाइन् । ‘आज हामीले जित्यौँ । यसमा म खुशी र दु:खी दुवै भएँ । जितले पदक नजिक पुगेको खुशी छ भने घरमा मैले हजुरआमा गुमाउनुपर्‍यो’ उनले भनिन् ।

खेलअघि उनलाई हजुरआमाको मृत्युबारे जानकारी थिएन । ‘खेलअघि मैले बुबासँग फोनमा कुरा गरेको थिएँ । तर केही थाहा थिएन । बुबाले मोबाइल स्वीच अफ गरेर खेल भन्नुभयो । खेलपछि फेसबुकमा फोटोहरु सहित देखेपछि थाहा भयो । मैले अन्तिम समयमा हजुरआमालाई देख्न पाइन’ सुनिताले भनिन् । सुनिताकी हजुरआमाको कञ्चनपुरको महेन्द्रनगरमा सोमबार बिहान निधन भएको हो। नेपाली महिला कबड्डी टिमले पहिलो पटक एसियाड खेलेको हो र डेब्यु खेलमै बंगलादेशलाई हराएर विजयी सुरुवात गरेको हो ।

यो जित १९औं एसियाडमा नेपालको पदकको खडेरी तोड्न सक्ने जित समेत बनेको छ । नेपाल रहेको समूहमा तीन टिम मात्र रहेकाले पहिलो खेलमा बंगलादेशलाई हराएपछि पदक नजिक पुगेको हो । यस समूहमा नेपालले मंगलबार इरानसँग खेल्नेछ । त्यसपछि इरान र बंगलादेशबीच खेल हुनेछ । नेपाल  र इरानबीच जस्तो नतिजा आएपनि अन्तिम खेलमा इरानले बंगलादेशलाई हराएमा नेपालले सेमिफाइनल पुग्दै पदक पक्का गर्नेछ । इरान बलियो टोली रहेकोले बंगलादेशलाई हराउनेमा नेपाली टोली विश्वस्त छ ।

 

  • साझा परिवेश
  • सोमवार, अशोज १५, २०८० १६:२४

प्रतिक्रिया

तपाइको प्रतिक्रिया दिनुहोस्

नेपाल अपडेट