कार्यसमितिका पदाधिकारीले पद तथा गोपनीयताको शपथ लिए
निर्वाचनमा खतिवडाको प्यानल नै निर्वाचित भए
रघुवीरले नवनिर्वाचित पदाधिकारीलाई पद तथा गोपनीयताको शपथ गराए
विराटनगर ।।
नेपाल कम्युनिष्ट पार्टी (एमाले) कोसीे प्रदेश कमिटीको नवनिर्वाचित अध्यक्ष तथा कार्यसमितिका पदाधिकारीले पद तथा गोपनीयताको शपथ लिएका छन् । बुधबार पार्टी अध्यक्ष केपी ओलीको प्रमुख आतिथ्यमा आयोजित कार्यक्रममा अध्यक्ष घनश्याम खतिवडासहितका पदाधिकारी तथा सदस्यले पद तथा गोपनीयताको शपथ लिएका हुन् । एमाले कोसी प्रदेशका इन्चार्ज रघुवीर महासेठले नवनिर्वाचित पदाधिकारीलाई पद तथा गोपनीयताको शपथ गराए ।
निर्वाचनमा खतिवडाको प्यानल नै निर्वाचित भएको थियो । उपाध्यक्षमा टीकाराम चेम्जोङ, सचिवमा राजकुमार भण्डारी, उपसचिवमा जलवर्षा राजवंशी र देवान राई निर्वाचित भए । खुला भूगोलतर्फ झापाबाट गणेश पोखरेल, एकराज कार्की, बसन्त बानियाँ, देवकुमार राई, घनश्याम अधिकारी, सोमनाथ पोर्तेल, होमबहादुर थापा, राजकुमार थापा, गजेन्द्र ताम्ली, सन्तलाल मेचे, बेनु शिवाकोटी, अमर शिवाकोटी, अम्बिका खनाल, चन्द्र शेर्मा, लक्ष्मी राई, कुमार भुजेल र लोकबहादुर धिमाल निर्वाचित भए ।
यसैगरी, महिला भूगोलतर्फ पवित्रा महतरा, मञ्जु प्रसाई, सुमित्रा भण्डारी, मिरा भूर्तेल, निर्मला पाठक, कमला थापा मगर, कमला आचार्य र इन्दिरा बस्नेत निर्वाचित हुँदा दलिततर्फ मोहन विक र भोला परियार विजयी भए । यस्तै, मजदुरतर्फ निर्मला परियार, युवातर्फ अनिता कन्दङ्वा, नीता घतानी, सुमन नेम्वाङ र सुशील राई निर्वाचित भएका छन् ।
