काठमाडौं । कप्तान देव खनालको शतक प्रेरित नेपालले मलेसियामा आजबाट सुरु भएको एसीसी यू १९ प्रिमियर कपमा इरानलाई ३५४ रनको विशाल लक्ष्य दिएको छ ।
टस हारेर पहिले ब्याटिङ गरेको नेपाल पूरै ५० ओभर खेल्न सकेन । नेपालले केवल ४०.१ ओभर मात्र खेल्न सक्यो । १० ओभर बाँकी छँदै अलआउट भएको नेपालले विष्फोटक ब्याटिङको बलमा ठूलो स्कोर खडा गरेको हो ।
नेपालका लागि कप्तान देव खनालले तुफानी शतक बनाए । उनले ६० बलमा १२ चौका र ४ छक्का हान्दै १०० रन बनाए । दिपक बोहराने ५९ बलमा ६५ रन बनाए ।
यस्तै दिपक प्रसाद डुम्रेले ४४ बलमा ६९ रन बनाए । दीपेश कँडेलले २२ बलमा २९ रन बनाए । इरानका लागि सलमान नियाजमन्द र दद्राहमन रइसीले समान ३–३ विकेट लिएका छन् ।