मधेस प्रदेशको नेतृत्व सहमतिमा टुंग्याउने कसरत हुँदै
साझा परिवेश
शुक्रबार, अशोज २६, २०८० १३:११
नेकपा (एमाले) को मधेस प्रदेशको नेतृत्व सहमतिमा टुंग्याउने कसरत जारी
अधिवेशन सहमतिमा टुंग्याउनका लागि चरणबद्ध रूपमा छलफल हुँदै
पदाधिकारीमा सर्वसम्मतिका लागि एउटा खाका बनाइयो
काठमाडौं ।।
नेकपा (एमाले) को मधेस प्रदेशको नेतृत्व सहमतिमा टुंग्याउने कसरत जारी छ । बुधबारबाट सुरु भएको अधिवेशन सहमतिमा टुंग्याउनका लागि चरणबद्ध रूपमा छलफल भइरहेको छ । अहिले मधेस प्रदेशका इन्चार्ज योगेश भट्राई, कोसीका इन्चार्ज रघुवीर महासेठले पार्टीका पोलिट्ब्यूरो सदस्यसँग छलफल गरिरहेका छन् । पदाधिकारीमा सर्वसम्मतका लागि बनाइएको खाकामा छलफल जारी छ ।
“पदाधिकारीमा सर्वसम्मतिका लागि एउटा खाका बनाइएको छ । अहिले नेताहरूले पोलिट्ब्यूरो सदस्यसँग छलफल गरिरहनुभएको छ,” एक नेताले जानकारी दिए । स्रोतका अनुसार अध्यक्षमा चन्देश्वर मण्डल, उपाध्यक्ष विचारी यादव, सचिव मनोज पौडेल, उपसचिव आरती भण्डारी र मोहम्मद कयसलाई प्रस्ताव गर्ने तयारी छलफल भइरहेको छ ।
