काठमाडौँ, असोज २७ गते ।कोटेश्वर डोजाङले शनिबार नेपाली तेक्वान्दोमा योगदान पुराएको कदर स्वरुप अशोक खड्कालाई सम्मान गरेको छ ।
ओलम्पिन विधान लामा र नेपालकी पहिलो महिला ब्लाक बेल्टधारी ब्रिगेडियर सुधासेन मल्लले खड्कालाई सम्मानित गर्नुभयो । थुप्रै अन्तर्राष्ट्रिय र्याङकिङ तेक्वान्दो च्याम्पियन्सीपमा निर्णायकको भूमिका निर्वाह गर्नुका साथै एक दर्जनभन्दा बढी अन्तर्राष्ट्रिय प्रतियोगितामा पदक जितेर देशको नाम राखेको र प्रशिक्षकको रुपमा थुप्रै तेक्वान्दो खेलाडी उत्पादन गरेकाले खड्का सम्मानित हुनुभएको हो ।
गतवर्ष विश्व तेक्वान्दोमा समेत निर्णायकको भूमिका निर्वाह गरिसकेका खड्काले हालसम्म दुई दर्जनभन्दा बढी अफिसियल अन्तर्राष्ट्रिय प्रतियोगितामा निर्णायको भूमिका निर्वाह गरिसक्नु भएको छ । बेल्जियम ओपन, स्विडिस ओपन, अस्ट्रेलियन ओपनजस्ता वल्र्ड र्याङकिङ प्रतियोगितामा सर्वश्रेष्ठ निर्णायक घोषित भइसकेका खड्का पारा रेफ्री कोर्ष गर्ने कम नेपाली तेक्वान्दोकर्मीमध्ये एक हुनुहुन्छ ।
