परेस राई र कुशुम गुरुङ्गको ’दिलको दरवार’ सार्वजनिक
साझा परिवेश
शनिबार, कार्तिक ४, २०८० १७:0४
काठमाण्डौं । पूर्वेली लोक लयमा तयार पारिएको गीत ’दिलको दरवार’ क्लासिक म्युजिक को अफिसियल युट्युब च्यानलबाट सार्वजनिक भएको छ । सार्वजनिक गीतमा परेस राई र कुशुम गुरुङ्गको स्वर रहेको छ । मिश्रा गुरुङ को रचना रहेको सो गीतमा पुर्वेली लोक संस्कृति, किराँती जनजीवन (राई–लिम्बु) लाई चित्रणको परम्परागत लोक सभ्यतालाई देखाइएको छ । गीतमा प्रेमील मनका प्रेमका बोलीहरुलाई समेटिएको छ ।
गीतमा संगीतकार शशी गुरुङ्गले गीतमा संगीत भरेका छन् । गीतको एरेन्ज राजु कार्कीले गरेका छन् । पुर्वेली लोकजीवन र रहनसहनलाई मायाप्रेमसँग फ्युजन गरेर उत्पादन गरिएको यो भिडियोलाई सनम तामाङ्गको छायाँकन, अर्जुन खड्काको सम्पादन तथा अनिल थुलुङ्ग राईको कोरियोग्राफी तथा निर्देशन भिडियोमा छ । गीतको भिडियोमा मिन गुरुङ्ग, अनुशा साङ्गपाङ्ग राई, आशिस लिम्वु र सलिना भुजेलको अभिनय रहेको छ ।
’दिलको दरवार’ गीतको पुरा भिडियो हेर्नयो लिंकमा क्लिक गर्नुहोस
