कतारलाई हमाससँग कुरा गर्न लगाएर विपिन जोशीको उद्धार गरियोस् : शर्मा
साझा परिवेश
बिहिबार, कार्तिक १६, २०८० १३:३९
विपिन जोशीको उद्धारका लागि पहल गर्न सरकारलाई आग्रह
विपिन जोशी हमासको नियन्त्रणमा रहेको पुष्टि
प्रधानमन्त्री र परराष्ट्रमन्त्रीलाई गम्भीर ध्यानाकर्षण गर्न आग्रह
काठमाडौं ।।
नेपाली कांग्रेसका महामन्त्री विश्व प्रकाश शर्माले कतारमार्फत हमाससँग कुरा गरेर नेपाली विद्यार्थी विपिन जोशीको उद्धारका लागि पहल गर्न सरकारलाई आग्रह गरेका छन् । ‘नेपाली विद्यार्थी विपिन जोशी हमासको नियन्त्रणमा रहेको पुष्टि भएको छ । कतार सरकारमार्फत कुरा गरेर उद्धार गर्न सकिने सम्भावना औंल्याइएका छन् । यो प्रक्रियामा गम्भीर पहलकदमी गर्न प्रधानमन्त्री र परराष्ट्रमन्त्रीको गम्भीर ध्यानाकर्षण गराउन चाहन्छु’ बिहीबार प्रतिनिधि सभाको बैठकमा महामन्त्री शर्माले भने ।
