१०,७०० थान टेन्ट लिएर जाजरकोट जाँदै सशस्त्र प्रहरी
साझा परिवेश
आइतवार, कार्तिक १९, २०८० १२:00
सशस्त्र प्रहरी भूकम्प प्रभावित क्षेत्रमा
तीन वटा कन्टेनरमा १० हजार ७०० थान टेन्ट लिएर जाँदै
दुई वटा डिजास्टर रेस्पोन्स सिस्टम कन्टेनर पठायो
काठमाडौं ।।
सशस्त्र प्रहरी बल नेपालको ‘डिजास्टर रेस्पोन्स सिस्टम’ कन्टेनर टेन्ट लिएर भूकम्प प्रभावित क्षेत्रमा गएको छ । सशस्त्र प्रहरी सहायक निरीक्षक रामविश्वास यादवसहितको सुरक्षा फौज आज बिहान तीन वटा कन्टेनरमा १० हजार ७०० थान टेन्ट लिएर पश्चिम रुकुममा गएको हो । उपत्यकास्थित सशस्त्र प्रहरी बल नेपाल नं. २० विपद् उद्धार उपत्यका गणमा रहेको ७०० थान र नं. २२ गुहेश्वरी गण भक्तपुरमा रहेको १० हजार थान टेन्ट पठाइएको सशस्त्र प्रहरीका नायव उपरीक्षक तथा सहायक प्रवक्ता शैलेन्द्र थापाले जानकारी दिए । यसअघि भूकम्प पीडितहरूको लागि आवश्यक सामाग्रीसहित दाङबाट पश्चिम रुकुम र सुर्खेतबाट जाजरकोटको लागि दुई वटा डिजास्टर रेस्पोन्स सिस्टम कन्टेनर पठाइएको सशस्त्र प्रहरीले जनाएको छ ।
