सैनिक विशेष अदालतको अध्यक्षमा न्यायाधीश पौडेल चुनिए
साझा परिवेश
बुधबार, मंसिर १३, २०८० १२:१६
न्यायाधीश लेखनाथ पौडेललाई अध्यक्ष तोक्ने निर्णय
अदालतको अध्यक्ष पदमा अदालतको कामकाजसमेत गर्ने
भूकम्प प्रभावित जिल्लामा अस्थायी आवास निर्माणका लागि
काठमाडौं ।।
सरकारले सैनिक विशेष अदालतको अध्यक्ष पदमा उच्च अदालत पाटनका न्यायाधीश लेखनाथ पौडेललाई तोक्ने निर्णय गरेको छ । सैनिक विशेष अदालतको अध्यक्ष पदमा अदालतको कामकाजसमेत गर्ने गरी उच्च अदालत पाटनका न्यायाधीश लेखनाथ पौडेललाई तोक्ने निर्णय गरिएको सरकारको प्रवक्ता रेखा शर्माले जानकारी दिइन् । सैनिक विशेष अदालतको अध्यक्ष न्यायपरिषदको सिफारिसमा सरकारले तोक्ने व्यवस्था छ ।
सैनिक विशेष अदालतको सदस्यमा नेपाली सेनाको प्राड विवाक प्रमुख र रक्षा मन्त्रालयका सचिव हुन्छन् ।आजकै मन्त्रिपरिषद बैठकले नेपाल इन्जिनियरिङ सेवातर्फ रिक्त सचिव पदमा श्वेता दवाडीलाई बढुवा गर्ने निर्णय पनि गरेको छ । भूकम्प प्रभावित जिल्लामा अस्थायी आवास निर्माणका लागि सेना, सशस्त्र र नेपाल प्रहरीलाई खटाउने र राष्ट्रिय सभाको निर्वाचन माघ ११ गते गर्ने निर्णय पनि बैठकले गरेको छ ।
