July 22, 2024 | सोमवार, साउन ७, २०८१
सुचनाहरु
सुनको मूल्य बढ्यो , कति पुग्यो त तोलाको ? रविमाथि विनोद चौधरीको टिप्पणी- छानविनको घेरामा रहेको व्यक्तिले संसदमा स्टन्ट गरे आज प्रतिनिधि सभाको बैठक बस्दै, प्रधानमन्त्रीसँग प्रश्नोत्तरको कार्यसूची परराष्ट्र सचिव लम्साल आज चीन जाने ग्लोबल टी–२० लिग खेल्न सन्दीप क्यानडा प्रस्थान डेढ लाख घुससहित बिपी कोइराला क्यान्सर अस्पतालकी अधिकृत अख्तियारको नियन्त्रणमा पूर्व राज्यमन्त्री रायको हत्या बलिङ नचल्दा पाकिस्तानसँग नेपाल पराजित आज साउनको पहिलो सोमबार न्यूरोडमा पैदलमार्ग विस्तार गर्दा मेयर शाहले भ्रम फैलाएको स्थानीयको आरोप आज गुरुपूर्णिमा मनाइँदै सिमलताल बस दुर्घटना : बेपत्ता यात्रु र बसको खोजी गर्न भारतीय टोली आइपुग्यो रास्वपाको संसदीय दलको बैठक बस्दै भिसा प्रकरणमा उपसभामुख रानामगरले आर्थिक लेनदेन गरेको भेटिएन – रास्वपा महिला एसिया कप : आज नेपाल र पाकिस्तान तथा भारत र यूएईबीच प्रतिस्पर्धा गृहमन्त्री लेखक र अमेरिकी राजदूतबीच भेटवार्ता एसिया कप महिला क्रिकेटमा नेपाल र युएई भिड्दै तोलामा २ हजार रुपैयाँ घट्यो सुनको मूल्य प्रधानमन्त्रीको प्रमुख राजनीतिक सल्लाहकारमा विष्णु रिमाल संसद भवन निर्माणको ढिलाइबारे सभामुखको असन्तुष्टि

सप्तरीको स्वास्थ्य विज्ञान प्रतिष्ठान निर्माणको लागी प्रदर्शन

  • साझा परिवेश
  • शुक्रबार, मंसिर १५, २०८० १३:0२
सप्तरीको स्वास्थ्य विज्ञान प्रतिष्ठान निर्माणको लागी प्रदर्शन
  • प्रतिष्ठान निर्माणको माग गर्दै स्थानीय युवाहरु आन्दोलित
  • दबाब दिन विभिन्न शैलीमा जुलुस प्रदर्शन
  • शिलान्यास भएको भनव निर्माण रोकियो 

जनकपुरधाम।।

सप्तरीको राजविराजमा रामराजाप्रसाद सिंह स्वास्थ्य विज्ञान प्रतिष्ठान निर्माणको माग गर्दै स्थानीय युवाहरु आन्दोलित भएका छन् । दुई वर्षअघि शिलान्यास गरेर अलपत्र छाडिएको प्रतिष्ठानको काम अघि बढाउन माग गर्दै उनीहरु बिगत ६ दिनदेखि आन्दोलनमा छन् । उनीहरु दबाब दिन विभिन्न शैलीमा जुलुस प्रदर्शनसंगै जिल्ला प्रशासन कार्यालय सप्तरी अगाडि धर्ना बस्दै आएका छन् ।

बिहीबार जिल्ला प्रशासन कार्यालयमा एक घण्टा धर्ना बसेका उनीहरु आज दिउँसो १२ बजेदेखि २ बजेसम्म दुईघण्टा धर्ना बसिरहेका छन् । प्रतिष्ठान निर्माण कार्यलाई यथाशीघ्र अघि बढाउनुपर्ने, प्रतिष्ठानको पूर्वाधार तयारी विकास समितिमा रिक्त भएका पदहरूमा अविलम्ब पदाधिकारी र कर्मचारी नियुक्त गर्नुपर्ने, प्रतिष्ठान निर्माणका लागि आवश्यक बजेटको व्यवस्थापन गर्नुपर्ने उनीहरूको माग छ ।

आइतबार जिल्ला प्रशासन कार्यालय सप्तरीमार्फत प्रधानमन्त्रीलाई ज्ञापनपत्र पठाउँदै युवाहरुले आन्दोलनको घोषणा गरेका थिए । सोमबार राजविराजमा जुलुस प्रदर्शन, मंगलबार सिटी जुलुस, बुधबार चर्टबालेर सांसद तथा नेताको खोजीसहित प्रदर्शन गरेका थिए । शनिबार १० हजार हस्ताक्षर संकलन गरेर प्रधानमन्त्रीलाई जिल्ला प्रशासन कार्यालय मार्फत पठाउने कार्यक्रम रहेको सप्तरी युथ नेपालका कार्यबाहक अध्यक्ष मोहन यादवले जानकारी दिए । माग पूरा नभएसम्म संघर्ष जारी रहने उनले बताए ।

एक प्रदेश, एक स्वास्थ्य विज्ञान प्रतिष्ठान निर्माण गर्ने नीतिअनुसार ०७५ साल पुस १६ गते मन्त्रिपरिषद्को बैठकले राजविराजमा रामराजाप्रसाद सिंह स्वास्थ्य विज्ञान प्रतिष्ठान निर्माण गर्ने निर्णय गरेको थियो । २८ जेठ २०७८ मा बसेको मन्त्रिपरिषदको बैठकले प्रतिष्ठान निर्माण गर्न राजविराज नगरपालिका–१० बिरौलस्थित रहेको ६२ बिघा जग्गा प्रतिष्ठानका नाममा ३० वर्षका लागि लिजमा दिने निर्णय गरेको थियो । २२ असार २०७८ मा तत्कालिन प्रधानमन्त्री केपी शर्मा ओलीले भर्चुअल मार्फत प्रतिष्ठानको भवन निर्माण कार्यको शिलान्यास गरेका थिए । त्यस यता भनव निर्माण अघि बढ्न सकेको छैन ।

 

  • साझा परिवेश
  • शुक्रबार, मंसिर १५, २०८० १३:0२

प्रतिक्रिया

तपाइको प्रतिक्रिया दिनुहोस्